گه‌ڕان

Shadow Shadow

سەرەڕای بوونی جەنگ لە ناوچەکە ڕۆژئاوا ئاهەنگ و فێستیڤاڵی هونەریی لەبیرنەکردووە

2019.12.21 - 21:05
App store icon Play store icon Play store icon
سەرەڕای بوونی جەنگ لە ناوچەکە ڕۆژئاوا ئاهەنگ و فێستیڤاڵی هونەریی لەبیرنەکردووە

کەناڵی ناس کورد لە تێلیگرام جۆین بکە   

ناس کورد- بۆ پاڵپشتیکردنی هێزەکانی سوریای دیموکرات و ئاوارەکانی ناوچەکانی سەرێ کانی و گرێ سپی، لە شاری کۆبانێی ڕۆژئاوای کوردستان، ئاهەنگ و شایی و فێستیڤاڵێکی هونەری تایبەت بەڕێوەچوو. ، ،، بە گوێرەى هەواڵێکی ئاژانسی هاوار نیوز، ئەمڕۆ شەممە 21ى کانوونی یەکەمی 2019، گروپی "میزۆبۆتامیا بۆ هونەر و ڕۆشنبیری" فێستیڤاڵێکی هونەری لە شاری کۆبانێ سازکرد و تیایدا چەندین چالاکی هونەری بەڕێوەچوو. ،   فێستیڤاڵاکە بە بەشداری سەدان هاوڵاتی ناوچەکە و ئەندامانی ئیداری خۆبەڕێوەبەری ڕۆژئاوای کوردستان و ڕێکخراوەکانی کۆمەڵگەی مەدەنی بۆ پشتگیریکردن لە هێزەکانی سوریای دیموکرات و هاوڵاتیانی شارەکانی سەرێ کانی و گرێ سپی بەڕێوەچوو. ، ، لە فێستیڤاڵەکەدا جگە لە وتنی گۆرانی و ژەنینی مۆسیقا و پێشکەشکردنی شانۆگەری، پێشانگەیەکی وێنەکێشانیشی تێدا بوو، کە یەکێک لە وێنەکان، وێنەی محەمەد بوو، ئەو منداڵەی بە چەکی فۆسفۆری تورکیا جەستەی سوتا و بڵاوبوونەوەی وێنەکانی کاردانەوەیەکی جیهانی دروست کرد. ، ماوەی چەند مانگێکە تورکیا لەشکرکیشی و هێرشی بۆسەر ڕۆژئاوای کوردستان ئەنجامدەدات و بەهۆیەوە جگە لەوەی بە سەدان هاوڵاتی شەهید بوون و بە هەزارانیش برینداربوون، سەدان هەزار کەسیش ئاوارەبوون و ناوچەکانی خۆیان جێهێشتووە.