گه‌ڕان

Shadow Shadow

دوای چەند ساڵ لە قەدەغەکردنی ئەنەکەسە دەگەڕێنرێتەوە رۆژئاوای کوردستان

مەزڵوم کۆبانێ: بۆ پێکهێنانی یەکڕیزی کورد پێویستمان بەوڵاتانی دەرەوە نییە

2019.12.20 - 20:48
App store icon Play store icon Play store icon
مەزڵوم کۆبانێ: بۆ پێکهێنانی یەکڕیزی کورد پێویستمان بەوڵاتانی دەرەوە نییە

کەناڵی ناس کورد لە تێلیگرام جۆین بکە   

ناس کورد- بەمەبەستی گەڕانەوەی ئەنجومەنی نیشتیمانی کورد لە سوریا (ئەنەکەسە) بۆ ڕۆژئاوای کوردستان، فەرماندەی گشتی هێزەکانی سوریای دیموکرات لەگەڵ چەند حزبێکی کوردی ڕۆژئاوا کۆبویەوە. . ئەمڕۆ (هەینی، 20ی کانونی یەکەمی 2019)، مەزڵوم کۆبانێ، فەرماندەی گشتی هێزەکانی سوریای دیموکرات (هەسەدە) لەگەڵ ژمارەیەک لەنوێنەری حزبە سیاسیەکانی ڕۆژئاوای کوردستان لەبارەی بڕیارێکی تایبەتی بەڕێوەبەری خۆسەری ڕۆژئاوا لەسەر پرسی گەڕانەوەی ئەنەکەسە و چەند پرسێکی تر، کۆبوونەوە. . لەکۆبونەوەکەدا کە هەر یەکە لەنوێنەری حزبەکانی پارتی دیموکراتی پێشکەوتنخوازی سوریا و هاوپەیمانی نیشتیمانی سوریا کە پێنج حزبن و حزبی یەکێتی دیموکراتی کوردی سوریا ئامادەی بوون، کۆبانی ڕاو سەرنجی ئەو حزبانەی لەسەر زۆر پرسی گشتی تایبەت بەڕۆژئاوا وەرگرت و هەردوولا جەختیان لەهەماهەنگی بۆ یەکڕیزی کورد لەو ناوچەیە کردەوە. . لەسەر چۆنیەتی گرتنەبەری میکانزمێک بۆ هەماهەنگی، مەزڵوم کۆبانی ڕایگەیاند، کاتی زۆریان لەبەردەستتدا نیە بۆ ئەو پرسە بەهەدەری بدەن و گرنگە ئەو کارە سەربخەن و چاوەڕوانی هێزە دەرەکییەکان نەبن و پێویستە پێکەوە کار بکەن بەهاوبەشی لەپێناو یەکڕیزیدا. . پێشتر لەڕاگەیەنراوێکدا بەڕێوەبەرێتی خۆسەری ڕۆژئاوا گەڕاندنەوەی هێزەکانی ئەنجومەنی نیشتیمانی سوریا (ئەنەکەسە)ی بۆ ڕۆژئاوای کوردستان بێ هیچ مەرجێک و لابردنی هەر تۆمەتێکی پێشوو لەسەریان، ڕاگەیاند. . چەند ساڵێکە ئەنەکەسە و هێزێکی تایبەتی ڕۆژئاوا کە ناویان لێنراوە (پێشمەرگەی رۆژ)کە ژمارەیان نزیکەی دە هەزار پێشمەرگەیە لەهەرێمدا نیشتەجێن و پێشتر لەلایەن بەرپرسانی رۆژئاوای کوردستانەوە تۆمەتی ئەوەیان دەدرایە پاڵ لەلایەن تورکیا و پارتیەوە بۆ دژایەتی ئەزمونی ڕۆژئاوا دروستکراوون. .