گه‌ڕان

Shadow Shadow

پەرلەمانتارێک: دەنگۆ هەیە سبەینێ سەرۆککۆمار کەسێک بۆ پۆستی سەرۆکوەزیران پێشنیاز بکات

2019.12.18 - 18:06
پەرلەمانتارێک: دەنگۆ هەیە سبەینێ سەرۆککۆمار کەسێک بۆ پۆستی سەرۆکوەزیران پێشنیاز بکات
ناس کورد- وادەی دەستوریی بۆ پێشکەشکردنی بەربژێری یەکلایکەرەوە بۆ پۆستی سەرۆکوەزیران لەلایەن سەرۆککۆماری عێراقەوە نزیک بووەتەوە لە کۆتایی، پەرلەمانتارێکی کوردیش دەڵێت:" چاوەڕوان دەکرێت سبەینێ سەرۆککۆمار کەسێک بۆ وەرگرتنی پۆستەکە پێشنیاز بکات". . شێروان میرزا، پەرلەمانتاری عێراق لە فراکسیۆنی یەکێتی نیشتیمانی کوردستان تایبەت بە ناس کوردی ڕاگەیاند: "فراکسیۆنە شیعییەکان هیچ پرس و ڕاوێژێکیان بە فراکسیۆنە کوردییەکان نەکردووە لەبارەى جێگرەوەی عادل عەبدولمەهدی". . پەرلەمانتارەکەی یەکێتی لە پەرلەمانی عێراق وتیشی، لایەنە سیاسییە عێراقییەکان تائێستا هیچ کەسێکیان بە فەرمی  بەربژێر نەکردووە بۆ ئەو پۆستە. . وتیشی، "ئەگەری هەیە  سبەینێ سەرۆککۆمار کەسێک پێشنیاز بکات بۆ جێگرەوەی عادل عەبدولمەهدی بۆیە  هەموو لایەنە سیاسییەکان  لە ئێستادا چاوەڕێی ئەو دەکەن". . بەپێی هەواڵێکی سۆمەریە نیوزیش، لەئێستادا هەریەک لە تۆفیق مەحمود یاسری و عەلی عەبدولئەمیر عەلاوی بەربژێری نوێن بۆ وەرگرتنی پۆستی سەرۆکوەزیرانی عێراق. . ئەوە لە کاتێکدایە هەر ئەمڕۆ فائیق شێخ عەلی، پەرلەمانتاری عێراق لە نامەیەکدا بۆ بەرهەم ساڵح، سەرۆککۆماری عێراق بەربژێربوونی خۆی بۆ ئەو پۆستە ڕاگەیاند.