گه‌ڕان

Shadow Shadow

کەیسی خەرجکردنی 20 ملیارەکەى سلێمانی بەرەو کۆتایی دەڕوات.. زانیاری نوێ لە ناس کوردەوە

2019.12.17 - 12:02
App store icon Play store icon Play store icon
کەیسی خەرجکردنی 20 ملیارەکەى سلێمانی بەرەو کۆتایی دەڕوات.. زانیاری نوێ لە ناس کوردەوە

کەناڵی ناس کورد لە تێلیگرام جۆین بکە   

ناس کورد - شەهرام عەزیز لێکۆڵینەوە و بەدواداچوونەکان لەبارەى دۆسیەى خەرجکردنى 20 ملیار دینارەکەى پایتەختى ڕۆشنبیرى سلێمانى بەرەو کۆتایى دەچێت و بەمزوانە ڕاپۆرتى کۆتایى لەبارەى دۆسیەکە لەلایەن چاودێرى دارایى سلێمانییەوە تەواو دەبێت. . مەم بورهان قانع، ئەندامی لیژنەی ڕۆشنبیری لە پەرلەمانی کوردستان بە ناس کوردی ڕاگەیاند، ڕاپۆرتی لیژنەکەیان گەیاندووەتە ئەنجومەنی وەزیران و دیوانی چاودێری دارایی و "چاوەڕوانی وەڵامی ئەوانین." . زیاتر بخوێنەوە: لێکۆڵینەوەکان لەبارەى 20 ملیارەکەى پایتەختى رۆشنبیرى بەکوێ گەیشتن؟ زیاتر بخوێنەوە: لیژنەیەک لە پەرلەمانى کوردستان لێکۆڵینەوە لە 20 ملیارەکەى پایتەختى رۆشنبیرى دەکات
.
هاوکات سەرۆکى دیوانى چاودێرى سلێمانیش جەختدەکاتەوە، "بەمزوانە ڕاپۆرتى کۆتاییان لەو بارەیەوە تەواو دەبێت." . ئەحمەد ئەمین، سەرۆکی دیوانی چاودێری دارایی سلێمانی بە ناس کوردی وت: "دوای ئەو داوایانەی ئاڕاستەمان کران بۆ لێکۆڵینەوە لەو پرسە، دەستمان بە بەدواداچوون و وردبینیکردن کرد و بەردەوامین لە کارەکانمان". . وتیشی، لە چەند ڕۆژی داهاتوودا لێکۆڵینەوەکانیان لەو پرسە کۆتایی دێت و دوای تەواوکردنیشی، ڕاپۆرتی خۆیان دەدەنەوە بە پەرلەمانی کوردستان و ئەنجومەنی پارێزگای سلێمانی و لایەنە پەیوەندیدارەکان. . پێشتر و بۆ یەکەمجار ناس کورد لە زاری ئاڤان جەمال، سەرۆکی لیژنەی ڕۆشنبیری لە ئەنجومەنی پارێزگای سلێمانی ئاشكرایکرد، کە بەهەردانی زۆر لە خەرجکردنى ئەو 20 ملیارەدا کراوە و ڕایگەیاند: “خەڵک هەبووە چەند جارێک پارەى بۆ خەرجکراوە و هیچ بەرهەمێکیشی نەبووە، یاخود پارە بۆ چایخانە سەرفکراوە”.