ناس کورد-
لێپرسراوى بەشى مۆڵەت لە هاتوچۆى سلێمانى ڕایگەیاند، گۆڕانکاریی لە مۆڵەتى شۆفێرى تاکسیدا دەکرێت و شێوازو ره‌نگه‌كه‌ى دەگۆڕدرێت.
.
شیلان عوسمان، لێپرسراوى به‌شى مۆڵه‌ت له‌هاتوچۆى سلێمانى بە ڕادیۆى فەرمى هاتوچۆى سلێمانى ڕاگەیاندووە "دواى ئه‌وه‌ى شۆفێرانى تاكسى رێو شوێنه‌كانى لۆگۆ نوێیەکان ته‌واو ده‌كه‌ن و كۆتایى پێدەهێنن، له‌به‌رێوه‌به‌رایه‌تى گواستنه‌وه و گه‌یاندنى سلێمانى لۆگۆى تاكسى و فۆرمێكیان پێدەدەن، دوای ئەوەش مۆڵه‌ته‌كه‌یان گۆڕانكاریى به‌سه‌ردادێت".
.
وتیشى "مۆڵه‌ته نوێیه‌كه‌ى تاكسى سلێمانى شێواز و ره‌نگه‌كه‌ى جیاوازه.".
.
شیلان عوسمان باسى لەوەشکردووە، لۆگۆكان به‌رێوه‌به‌رایه‌تى گواستنه‌وه و گه‌یاندن دابه‌شیان ده‌كات، هێشتا کارەکان لەو بارەیەوە كۆتایى نه‌هاتووه.
.
له‌ئێستادا سێ شوێن له‌به‌رێوه‌به‌رایه‌تى هاتوچۆى سلێمانى و له‌سه‌رجه‌م به‌رێوه‌به‌رایه‌تییه‌كانى شاره‌كان دیاریکراون بۆ ڕایکردنى ئەو کاروبارانە.
.
بەپێی ڕێنماییەکانى هاتوچۆ، مەرجە هه‌ر شۆفێرێكى تاكسى فۆرمى لەهەر به‌رێوه‌به‌رایه‌تیه‌كى هاتوچۆ وه‌رگرت بیگه‌رێنێته‌وه بۆ ئه‌و به‌رێوه‌به‌رایه‌تییه و سه‌ردانى بكاته‌وه.
