کەناڵی ناس کورد لە تێلیگرام جۆین بکە
ناس کورد- میدیاکانى عێراق تیرۆرکردنى چالاکوانێکى مەدەنى عێراقییان لەلایەن چەند چەکدارێکى نەناسراو، بڵاوکردەوە. . بەگوێرەى هەواڵى مییدیاکانى عێراق "حەقى ئیسماعیل عەزاوى، لەنێو ئۆتۆمبیلەکەیدا لە باکورى بەغداى پایتەخت چەند چەکدارێکى نەناسراو هەڵیانکوتاوەتە سەرى و کوشتوویانە". . عەزاوى خاوەن کۆمپانیایەکى گەشتوگوزاریش بووە و یەکێکیش بووە لە چالاکە دیارەکانى خۆپیشاندانەکانى ئێستاى عێراق. . سەرچاوەیەکى ئاگاداریش بە میدیاکانى عێراقى وتووە، لەئێستادا تەرمى چالاکوانە کوژراوەکەى عێراق گەیەنراوەتە پزیشکى دادوەرى بەغدا و لێکۆڵینەوەش لەڕوداوەکە دەستى پێکردووە. . لەکاتى سەرهەڵدانى خۆپیشاندانى چەند شارێکى عێراق، چەندین چالاکوانى دیارى ئەو جوڵانەوانە لەلایەن کەسانى نەناسراو بەشێوازى جیاجیا، تیرۆرکران. .
