گه‌ڕان

Shadow Shadow
سیاسه‌تی

بەغدا؛ جموجۆڵى گروپ و سەربازیى ناڕوون خەڵکى شڵەژاندووە

2019.12.14 - 10:18
App store icon Play store icon Play store icon
بەغدا؛ جموجۆڵى گروپ و سەربازیى ناڕوون خەڵکى شڵەژاندووە

کەناڵی ناس کورد لە تێلیگرام جۆین بکە   

ناس کورد-   سەرلەبەیانى ئەمڕۆ شەقامەکانى ناوچەى کەڕادەى بەغدا، ڕێوشوێنى توندى ئەمنى بەخۆوە بینى، گروپ و کەسانى دیکە بە یەک جۆر جلوبەرگى مەدەنییەوە لەناوچەکە بڵاوبوونەتەوە، لە دیمەنێکدا کە دۆخێکى شڵەژان و پشێویى لەلاى دانیشتوانى شارەکە دروستکردووە و پرسیار لەبارەى سروشتى ئەو جموجۆڵانە دەکرێت.  . سەرکردەیەکى گروپى عەسائیب بە ناس کوردى ڕاگەیاند "ئەو دیمەنەى ناوچەى کەرادە بەخۆوەى دەبینێت، ئامادەکاریی جەماوەرە بۆ جموجۆڵ و ئیدانەکردنى بڕیارەکانى ئەم دواییەى ئەمریکا بۆ سزادانى قەیس خەزعەلى ئەمیندارى گروپەکە و براکەى".  . هاوکات پەیامنێرى ناس لە بەغدا ڕایگەیاند، ڕێگەى نێوان کهرمانە بەئاڕاستەى فیردەوس، شەقامى سەعدون بە ئاڕاستەى فیردەوس، لەلایەن هێزە ئەمنییەکانەوە داخراون.  . هەفتەى ڕابردوو ئەمریکا سزاى بەسەر چوار بەرپرسى عێراقیدا سەپاند، بەهۆى پێشێلکردنى مافى مرۆڤ و تێوەگلان لە گەندەڵییەوە، کە دوانیان قەیس خەزعەلى و براکەیەتى.