داود ئۆغلۆ: لەڕێگەى عەقڵێکى هاوبەشەوە هەوڵى پتەوکردنى پەیوەندییەکانمان لەگەل کورد-دا دەدەین

ناس کورد- ئەحمەد داود ئۆغڵۆ سەرۆکوەزیرانى پیشوترى تورکیا و یەکێک لە دامەزرێنەرە سەرەکییەکانى ئاکەپە، لە کۆنگرەیەکدا دامەزراندنى  حیزبێکى نوی بە ناوى (حیزبى دواڕۆژ) لە ئەنکەرەى پایتەختى تورکیا ڕاگەیاند. , هەر لەکۆنگرەکەدا ئۆغلۆ سەرەجەم پرەنسیپە سەرەکییەکان و ئامانجى حیزبە نوێیەکەى لە بوارى سیاسەت و ئابورى و کۆمەڵایەتى و ئاینى-دا خستەڕو. , داود ئۆغڵۆ وتی: "ئازارەکانى ڕابردوو بەجێدەهێڵین و عیبرەتى لێوەردەگرین، چاوەڕوانى ئایندە دەکەین، ئەوەى پەندى وەرگرتبێت و بەسەر ترسدا زاڵبوبێت و هیواى هەبێت بەبێ هاتوهاوار و جوداکارى، دەتوانێت ڕابردوو تیپەڕێنێت و لە ئایندە بڕوانێت". , لەبارەى پرەنسیپەکانى حیزبەکەیەوە ئۆغڵۆ ئەوەى خستەڕو: "لە هەنگاوى یەکەمدا لە نزیکبوونەوە لە 100مین ساڵڕۆژى دامەزراندنى دەوڵەتى تورکیا، پێویستمان بە وەڵامدانەوەى کۆمەڵێک پرسیار لەسەر وەچەرخانەکان لەبارەى ڕێزگرتنى مافەکان و سەروەرییە نیشتیمانییەکانەوە هەیە". , داود ئۆغلۆ ئەوەشى ڕاگەیاند: "پاراستنى بەهاى مرۆڤ، چەسپاندنى یەکسانییانەى یاسا لەنێوان هاوڵاتییاندا، پاراستنى مافى خاوەندارێتى و سەربەستییەکان و ڕێزگرتن لە بنەما گەردوونییە بنەڕەتییەکانى مرۆڤ لە پرەنسیپە سەرەکییەکانمانن". , سەرۆکى حیزبە نوێکە بە بایەخەوە باسى لە فەراهەمکردنى مافى دەربڕینى ئازادانە و بەرپاکردنى سیستمێکى بۆ مافە گشتییەکان کرد، دژایەتى کردنى هەموو جۆرە ئایدیاییەکى ڕاگەیاند کە مرۆڤ بکاتە کۆیلە. , داود ئۆغڵۆ ئاماژەى بە ئازادى ڕۆژنامەنوسى کرد، یەکسانى نێوان هاوڵاتییان بەبێ گوێدانە ڕەگەز و ئاین و مەزهەبیان بە سیاسەتى خۆى زانى. , لەبارەى مافى کەمینەکانیشەوە، ئۆغڵۆ جەختى لەوەکردەوە، کەمینەکان شایەنى هەموو ڕێزێکن لەناو کۆمەڵگەدا و لەسەر هەموانیش بەپیویستى زانى پەرە بەو مافەیان بدرێت بەتایبەت مافى فێربوون بە زمانى دایک. , لەبارەى کوردیشەوە ئۆغلۆ وتى: "کۆچ و تێکەڵى نیوانمان پەیوەندییەکى شارستانى پێکەوە دامەزراندووە، حیزبەکەمان لەڕێگەى عەقڵێکى هاوبەشەوە هەوڵى پالپشتیکردنى ئەو پەیوەندییە دەدات". , لەبارەى پرەنسیپە ڕۆحى و ویژدانییەکانیشەوە ئۆغلۆ ڕایگەیاند: "لەسیاسەتدا پیویست ناکات دین تێکەڵى ئەو پرسە بکرێت، سەربەستى ئاینى بەبێ گرێدانى بە سیاسەتەوە هەیە، ئەوەش دەبێت لەچوارچێوەى مافى خۆیاندا بەڕێوە بچن". , سەرۆکى حیزبى دواڕۆژ، مافى بەرجەستەکردنى علمانییەت و حوکمى زۆرینەى بە پێویست زانى، هەرەوەها خواست و داواکارییەکانى عەلەوییەکان و دۆزینەوەى ڕێگەچارەیەکیش بۆ کیشەکانیان و کێشەى سەرجەم پیکهاتە ناموسڵمانەکانى تریش بە پێویست زانى. , لەبارەى پرسى دادوەرى وڵاتەکەشیەوە، ئۆغڵۆ جەختى لەوە کردەوە، تورکیا پێویستى بە چەمکێکى فراوانترە لەبوارى ئاسایشدا و گرنگترین ئەرکى دادگاش بەگژداچونەوەى تیرۆر و پاراستنى ئاسایشى گشتییە و ئەو دژى هەر پشێوییەکە. , هاوڕێ دیرینەکەى ئەردۆگان و سەرۆکى حیزبە نوێکەى تورکیا، جەختى لەوەشکردەوە، حیزبەکەیان دژایەتى جیاوازى نێوان ژنان و پیاوان دەکات و باوەڕى بە یەکسانی نێوانیان لە هەموو مافەکاندا هەیە، تەندروستى و فێرکردن مافى هەموو تاکێکە بەپێى پێوەرە نێودەوڵەتییەکان. , مانگى ئابى ئەمساڵ، ئەحمەد داود ئۆغڵۆ دەستلەکارکێشانەوەى خۆى لە حیزبى ئاکەپە کە ئەردۆگان سەرۆکایەتى دەکات ڕاگەیاند، بەدواى ئەویشدا چەندین بەرپرسى باڵاى ئاکەپە لەنێو حکومەت و حیزبەکەشدا دەستلەکارکێشانەوەیان ڕاگەیاند و وا چاوەڕوان دەکرێت لەگەڵ ڕاگەیاندنى حیزبە نوێیەکەش چەندین پەرلەمانتار و بەرپرسانى حیزبى و حکومى ئاکەپە بچنە پاڵ داود ئۆغلۆ. , ,