گه‌ڕان

Shadow Shadow
سیاسه‌تی

لە پەیڕەوى ناوخۆى یەکێتى لاى داوە و لێدوانی بۆ کەناڵەکانى دەرەوەى یەکێتى داوە

یەکێتی جێگری مەڵبەندێکی لە ڕیزەکانی دوورخستەوە

2019.12.13 - 08:13
یەکێتی جێگری مەڵبەندێکی لە ڕیزەکانی دوورخستەوە
ناس کورد- دوای گەیاندنی سکاڵایەک بە جێگرانی سکرتێری یەکێتی لەبارەی دەستێوەردان لە کۆنفرانسی مەڵبەندەکانی یەکێتی، مەکتەبی ڕێکخستنی یەکێتی نیشتیمانی کوردستان بڕیاریدا بە دەرکردنی، عەبدولخالق هەرکی، جێگری مەڵبەندی چواری دهۆکی حیزبەکە. , لە نوسراوێکدا، مەکتەبی ڕێکخستنی یەکێتی بڵاویکردووەتەوە: "ڕۆژى پێنجشەممە 12ی کانونی یەکەمی 2019 لە کۆبوونەوەی کۆمسیۆنی باڵای ئامادەکاری چوارەمین کۆنگرە، بڕیارماندا بە دەرکردنی عەبدولخالق ڕەشید ناسراو بە عەبدولخالق هەرکی لە ڕیزەکانی یەکێتی نیشتیمانی کوردستان". , ئاماژە بەوەشکراوە، هۆکاری بڕیارەکەیان بەهۆی پابەندنەبوونی عەبدولخالق هەرکییە بە مادەی (11)ی خاڵی چوارەم بڕگەی (٣) لە پەیڕەوی ناوخۆ و لێدوانی بۆ کەناڵەکانی دەرەوەی دەزگاکانی ڕاگەیاندنی یەکێتی داوە. , ئەمە لەکاتێکدایە، ئێوارەی دوێنێ پێنجشەممە، ژمارەیەک کادری یەکێتی لە سنوری بادینان بە سەرۆکایەتی عەبدولخالق هەرکی، جێگری مەڵبەندی چواری دهۆکی یەکێتی سکاڵایەکیان لەبارەی دەستێوەردان لە کۆنفرانسی مەڵبەندەکانی یەکێتی ئاڕاستەی جێگرانی سکرتێری گشتیی یەکێتی کردبوو. , دەقی سکاڵاکە   بۆ بەڕێز کۆسرەت رەسوڵ عەلی، جێگری یەکەمی سکرتێری گشتی بۆ بەڕێز بەرهەم ساڵح، جێگری دووەمی سکرتێری گشتی بەڕێز دەزگای هەڵبژاردن بەڕێز لیژنەی باڵای کۆنگرەی 4ـی یەکێتی سڵاوێکی یەکێتیانە..   بەڕێزان.. ئێمە ئەوانەی کە ناو و ئیمزامان هاوپێچە لەگەڵ ئەو نووسراوەدا سکاڵا پێشکەشدەکەین لەسەر چۆنییەتی بەڕێوەچوونی کۆنفرانسی مەڵبەندەکەمان، مەڵبەندی 4ی یەکێتی نیشتمانی کوردستان لە دهۆک و ئەو خاڵانەی خوارەوە رووندەکەینەوە.   - لەکاتی کۆنفرانسی کۆمیتەکان پارە دەبەخشرا بۆ مسۆگەرکردنی ئەنجامی کۆمیتەکان بەتایبەتی لەسەر کۆمیتەکانی ناو شار، ئەو کارە قێزەونەش لە بارەگای ناوەندی رێکخراوە دیموکراتییەکان ئەنجامدەدراو، بۆ ئەو مەبەستە ئەحمەد زراری، سەرۆکی لیژنەی کۆنفرانسی کۆمیتەکان ئاگادارکرا و بە تۆمارێکی دەنگی کە بەڵگەیەکی حاشا هەڵنەگرە ئاگادار کرا، بەڵام ناوبرا بەبیانووی بادینی نازانم هیچی نەکرد.   - لەکاتی کۆنفرانسی کۆمیتەکان دەستکاری لیستی دەنگدەران دەکرا و تاوەکو نیوەی شەو ناو زیاد دەکرا، بە تایبەتی لە کۆمیتەی سمێل و کۆمیتەی دهۆک. لە کۆمیتەی سێمێل لەنێوان 9 بۆ 11 زیادکراو لە لە کۆمیتەی یەکی دهۆکیش سەروو 30 دەنگ زیادکران. سەرۆکی لیژنەی کۆمیتەی سێمێلیش هیوا حەمید ئامادەنەبوو ناوەکان ئاشکرابکات و دەنگدانە بە قازانجی ناوە زیادەکان شکایەوە.   - لە چەندین رۆژ پێش کۆنفرانسی مەڵبەند پارە دەبەخشرا بە ئەندامانی کۆنفراس و چەندین کەس هەن کە پارەیان وەرگرتووە و ئامادەن ئاشکرای بکەن کە لەلایەن کێوە ئەو کارە دەکرا.   - رۆژێک پێش کۆنفرانسی مەڵبەند لە چەندین شوێن پرۆسەیەکی قێزەون دەستیپێکرد، ئەویش ناچارکردنی ئەندامانی کۆنفرانس بوو بە سوێند خواردن بە قورئانی پیرۆز لە ئاکرێ و بەردەڕەش و دهۆک و زاخۆ، ئەو ناوانەش بەو پرۆسەیە هەڵساون: (دیار ئاکرەیی، زەکی رەمەزان، سەلام سورچی، ئەحمەدخان سورچی، دێوالی رەمەزان و دڵدار فەیزی)، کە ئەندامانی کۆنفرانسیان سوێند دەدا جگە لە گرووپی ئەوان دەنگ بە کەسی دیکە نەدەن.   بۆیە ئێمە کە ناو و ئیمزامان لەگەڵ ئەو نووسراوە هاوپێچ کراوە دوو بژاردە دەخەینە بەردەمتان و دەبێت یەکێکیان هەڵبژێرن.   - دوورخستنەوەی ئەو کەسانەی کە هۆکار و ئامراز بوونە بۆ ئەو کارانەی باسمانکردن، کە ئەمانەن: (زەکی رەمەزان، دێوالی رەمەزان، دڵدار فەیزی، دیار ئاکرەیی، سەلام سورچی، ئەحمەدخان سورچی و ئاراس جیهانگیر). دوور بخرێنە لە لیستی سەرکەتووانی ئەندامانی کۆنگرەی چوار و لەبری ئەوان ئەندامانی یەکەم بچنە پێشەوە.   ئەگەر لەماوەی 48 کاژێر وەڵامی ئەو سکاڵایە نەدرێتەوە، ئێمە پرێس کۆنفرانسێک دەکەین و هەموو راستییەکان بۆ رای گشتی و جەماوەر و ئەندامانی یەکێتی ئاشکرا دەکەین و دەستی ئەو ئەندام سەرکردایەتییەش ئاشکرادەکەین کە لە پشت ئەو کارانەیە.   ئیسلام گولی، جێگری مەڵبەند   شوکر سەعید، کارگێڕ مەڵبەند   دکتۆر عەبدولعەزیر هەرکی، کارگێڕ مەڵبەند   دکتۆر محەممەد گۆران، ئەندام مەڵبەند   لەتیف سورچی، کارگێڕ مەڵبەند   دکتۆر عەبدولخالق هەرکی، جێگری مەڵبەند   بەهار عەبدولڕەحمان، ئەندام کۆمیتە   کەمال تاهیر دۆسکی، لێپرسراوی کۆمیتەی 2ـی دهۆک   ناسر کرێت، کارگێڕی مەڵبەند   لوقمان بۆتانی، ئەندام مەڵبەند   عەلی مستەفا، جێگری مەڵبەند   نایف سەعید، جێگری مەڵبەند   ئەمین حەجی، لێپرسراوی کۆمیتەی 1ـی دهۆک   نزار بانی، جێگری مەڵبەند   بەدر گۆران، ئەندامی مەڵبەند   نادر باکوزی، جێگری مەڵبەند   ئەیاد محەممەد ئەمین، ئەندامی کۆمیتە   رەوشەن عەلی، کارگێڕی کۆمیتە   سەفەر عەبدولمەجید، لێپرسراوی کۆمیتەی فایدە   سەمیرە حوسێن، لێپرسراوی یەکێتیی ژنان   مستەفا حوسێن، کارگێڕی کۆمیتە   سەلیم شاوریکی، ئەندامی مەڵبەند   یوسف ئەلیاس، ئەندامی مەڵبەند   عەبدولواحید نێروەیی، کارگێڕی مەڵبەند   هاشم رێکانی، ئەندامی مەڵبەند   هێژا ساڵح، کارگێڕی کۆمیتە   عومەر موراد، کارگێڕی کۆمیتە   سەنا حوسێن، کارگێڕی مەڵبەند   شەعبان محەممەد، کارگێڕی کۆمیتە   هەوار ئەسعەد کەتۆ، ئەندامی مەڵبەند