گه‌ڕان

Shadow Shadow
سیاسه‌تی

لەبارەى پرۆژەیاساى چاکسازییەوە

مەسرور بارزانى: خەڵکی شایستە مافەکانیان پارێزراو دەبێت

2019.12.11 - 18:01
App store icon Play store icon Play store icon
مەسرور بارزانى: خەڵکی شایستە مافەکانیان پارێزراو دەبێت

کەناڵی ناس کورد لە تێلیگرام جۆین بکە   

ناس کورد- ئەنجومەنى وەزیرانى هەرێم ڕایگەیاند، بەکۆى دەنگ "پڕۆژەیاسای چاکسازی لە خانەنشین، مووچە، دەرماڵە، بەخشین و ئیمتیازاتەکانی دیکە لە هەرێمی کوردستان-عێراق" بەسەند کرا و ڕەوانەى پەرلەمانى کوردستانى دەکەن. , لە ڕاگەیەندراوێکدا، ئەنجومەنى وەزیرانى هەرێم ئاماژەى بەوەکردووە، ئەمڕۆ چوارشەممە 11ى کانونى یەکەمى 2019، ئەنجومەنەکە بە سەرپەرشتی مەسرور بارزانی، سەرۆکی ئەنجومەنی وەزیران و ئامادەبوونی قوباد تاڵەبانی، جێگری سەرۆكوەزیرانى هەرێم کۆبوەتەوە و لە کۆبوونەوەکەدا، گفتوگۆ لە بارەی رەشنوسی "پڕۆژەیاسای چاکسازی لە خانەنشین، مووچە، دەرماڵە، بەخشین و ئیمتیازاتەکانی دیکە لە هەرێمی کوردستان-عێراق" کرا. , بەگوێرەى ڕاگەیەندراوەکە، سەرۆکی ئەنجومەنی وەزیران ئاماژەی بەوەکردووە: "چاکسازی پرۆسەیەکی بەردەوامە و لە هەنگاوەکانی داهاتودا گشت کەرتەکان دەگرێتەوە، لەسەرەتای دەستبەکاربوونی کابینەی نۆیەم، بەڵێنمان دابوو ئەم پڕۆژەیاسایە بنێرین بۆ پەرلەمان، ئەمەش پرۆژەی هەموو لایەنە بەشدارەکانی حکومەتە و لەپێناو بەرژەوەندی گشتی و دادپەرەوەرییە و بە دڵنیاییشەوە خەڵکی شایستە، مافەکانیان پارێزراو دەبێت". , ئەوەش خراوەتەڕو، دوای گفتوگۆکردنێکی "چڕ و بەرفراون" لە سەر یەك بە یەکی بڕگەکانی پڕۆژەیاساکە و دوای جێگیرکردنی چەندین گۆڕانکاری، ئەنجومەنی وەزیران بە کۆی دەنگ پڕۆژەیاساکەی پەسەند کرد و دەینێرێتە پەرلەمانی کوردستان. , ,