گه‌ڕان

Shadow Shadow
سیاسه‌تی

مەلا بەختیار: عێراق لە گەندەڵیدا نوقم بووە کەچی هێشتا پرسیاری ئەوە دەکرێت خەڵک بۆ راپەڕیوە

2019.12.09 - 17:36
App store icon Play store icon Play store icon
مەلا بەختیار: عێراق لە گەندەڵیدا نوقم بووە کەچی هێشتا پرسیاری ئەوە دەکرێت خەڵک بۆ راپەڕیوە

کەناڵی ناس کورد لە تێلیگرام جۆین بکە   

ناس کورد – لێپرسراوى دەستەى کارگێڕی مەکتەبی سیاسی یەکێتی ژمارەیەک کەیسی گەندەڵی لە عێراق ئاشکرا دەکات و سەرسوڕمانى خۆى دەردەبڕێت لەوەى هێشتا بەرپرسانى عێراق پرسیار لە هۆکارى دروستبوونى خۆپیشاندانەکانى بەغدا و شارەکانى تر دەکەن. . مەلا بەختیار، لێپرسراوى دەستەى کارگێڕی مەکتەبی سیاسی یەکێتیی نیستمانیی کوردستان لە هەژمارى خۆى لەفەیسبوک بەناونیشانى "گەندەڵەكانی عێراق لە رۆژی گەندەڵیدا"، بابەتێکى بڵاوکردەوە و تیایدا ئاماژە بەوە کرد :"ئەمڕۆ، ڕۆژی دژایەتی گەندەڵییە، لای من ڕۆژێكی هەرە گرنگە و ڕاگەیەندراوە كە عێراق لە پلەبەندی دوازدەهەمین وڵاتانی گەندەڵی جیهانە، واتا لەڕیزی سۆماڵ و وڵاتانی هەرە بۆگەنی گەندەڵییە!". . روونیشیدەکاتەوە، هەر ئەمڕۆش دەستەی نەزاهەی عێراق فەرمانی دەستگیركردنی 226ی تۆمەتباری گەندەڵكاری دەركردووە کە دەیان پەرلەمانتار و وەزیر و جێگری وەزیر و پارێزگار و ئەندامانی ئەنجومەنی پارێزگا و کەسانی بەرپرسانی پۆستە باڵاکان کە بەشێکیان ئێستاش لە پۆستی بەرزدان لەو لیستەدان کە سەرجەمیان تۆمەتبارکراون بە گەندەڵی". . ئەمڕۆ (دووشەممە، 9ی کانونی یەکەمی 2019) ڕۆژی جیهانی دژایەتی گەندەڵی و بەرتیلدانە و بەپێی ئامارى بەشێک لە ڕێکخراوە جیهانییەکان عێراق و هەرێمی کوردستان لە ڕیزبەندی ئەو وڵاتانەدان کە ڕێژەی گەندەڵی تیایدا بەرزە و کەمترین شەفافیەت لە زانینی داهاتدا هەیە. . مەلا بەختیار جەختى کردەوە :"ئەم ژمارە گەندەڵە، هێشتا بەشێكی كەمی گەندەڵكارانە و زۆر زۆرتریان ماوە، چونكە لە عێراقدا 600 ملیار دۆلار لوش دراوە، وڵاتێك ئەمەندە نوقمی گەندەڵی بوبێ، هێشتا لای حزب و كاربەدەستان، مایەی پرسیارە، خەڵك بۆ ڕاپەڕیوە؟". . لێپرسراوى دەستەى کارگێڕى مەکتەبى سیاسى یەکێتى دەپرسێت "دەپرسین لەم گەندەڵكارانە و لەوانەی تریش كە دەدرێنە دادگا، ئاخۆ چەندی كورد بێ؟ بەتایبەتی لەو وەزارەتانە، وەزیری كورد و جێگر و بەڕێوەبەری گشتیشی تیادا هەبوون و هەن! گومانیشمان نییە، لە كوردستانیشدا، گەندەڵی، لە دیاردەیەكی قێزەونەوە دەبێتە كێشەی سیاسی و حوكمڕانی و كۆمەڵایەتیش!!". . ئەوەى جێى سەرنجە لە نووسینکەى مەلا بەختیاردا ئەوەیە ناوبراو بەهیچ شێوەیەک خۆى لەقەرەى باسکردنى دیاردەى گەندەڵى و قەبارەى گەندەڵى لە هەرێمى کوردستان نەکردووە، لەکاتێکدا بەئاشکرا بەرپرسانی باڵاى هەرێم جەختیان لەبوونى گەندەڵى کردووەتەوە. .