گه‌ڕان

Shadow Shadow
سیاسه‌تی

بەتۆمەتی هەڕەشە و بڵاوكردنەوەی وێنەی ژنان، پۆلیسی سلێمانی دوو کەسى دەستگیرکرد

2019.12.04 - 09:30
بەتۆمەتی هەڕەشە و بڵاوكردنەوەی وێنەی ژنان، پۆلیسی سلێمانی دوو کەسى دەستگیرکرد
ناس کورد –   بەتۆمەتی هەڕەشەکردن و بڵاوكردنەوەی وێنەی ژنان، پۆلیسی سلێمانی دوو تۆمەتباری دەستگیرکرد. . ئەمڕۆ چوارشەممە، 4ی کانونی یەکەمی 2019، بەڕێوەبەرایەتی پۆلیسی پاریزگای سلیمانی ڕایگەیاند "لەسەر سكاڵای هاوڵاتییەك مەفرەزەكانی بنكەی پۆلیسی بەختیاری تۆمەتبارێكیان دەستگیركرد ووەكە هەڕەشەی بڵاوكردنەوەی وێنەی لە ئافرەتێک كردبوو بەوەی ئەگەر كاری نەشیاوی لەگەڵ نەكات وێنەكانی لە تۆڕە كۆمەڵایەتییەكان بڵاو دەكاتەوە". . ئاماژەى بەوەشکردووە، لەئێستادا ئەو تۆمەتبارە کە  تەمەنی 28 ساڵە و ڕەگەز نێرە بەفەرمانی دادوەری لێكۆڵینەوە ڕاگیراوەو دانی ناوە بەتاوانەكەیدا. . پۆلیسی سلێمانی باسى لەوەشکردووە، مەفرەزەكانی‌ بنكەی‌ پۆلیسی‌ كوردسات و بەهاوكاری‌ بەشی‌ پۆلیسی نەهێشتنی‌ تاوان تۆمەتبارێكیان دەستگیركردوە كەهەستاوە بەبڵاوكردنەوەی‌ وێنەی‌ نەشیاوی ئافرەتێک،  لەئێستاشدا ئەو تۆمەتبارە بەفەرمانی دادوەر ڕاگیراوە و دانی ناوە بەوەدا كە لەڕێگەی تۆڕی كۆمەڵایەتییەوە وێنەی نەشیاوی سكاڵاكاری بڵاوكردۆتەوە.