گه‌ڕان

Shadow Shadow
سیاسه‌تی

هەسەدە ئامارى 24 کاتژمێرى هێرشەکانى تورکیاى بۆ سەر رۆژئاواى کوردستان بڵاوکردەوە

2019.11.23 - 16:45
هەسەدە ئامارى 24 کاتژمێرى هێرشەکانى تورکیاى بۆ سەر رۆژئاواى کوردستان بڵاوکردەوە
ناس کورد- هێزەکانی سوریای دیموکرات ئاماری 24 کاتژمێری هێرشەکانی تورکیای بۆ سەر ڕۆژئاوا بڵاوکردەوە و بەگوێرەی ڕاگەیەندراوەکە "میلیشیاکانی تورکیا هێرشیانکردووەتە سەر ماڵی هاووڵاتیانی سڤیل"، ئاماژەی بەوەشکردووە لە ڕووبەڕووبوونەوەکاندا چەندین چەکدارییان کوشتووە. . لە ڕاگەیەندراوێکدا هەسەدە بڵاویکردەوە "لە 24 کاتژمێری ڕابردوودا، میلیشیا چەکدارە توندڕەوەکانی تورکیا هێرشیانکردووەتە سەر تەلتەمەر و عەین عیسا و چەند تەقینەوەیەکیشیان ئەنجامداوە". . لە راگەیەندراوەکەدا روونکراوەتەوە "جگە لەو ناوچانە،لە رێگەی فڕۆکەی بێفڕۆکەوانەوە، تۆپبارانی ناوچەی خەزعەلی کراوە و ئەو فڕۆکانە بەردەوام بە ئاسمانی ناوچەکەدا دەسوڕێنەوە". . هاوکات هەسەدە ڕایگەیاندووە، بە توندی وەڵامی سەرجەم ئەو هێرشانەیان داوەتەوە و چەندین چەکداری میلیشیاکانی تورکیایان کوشتووە. . باس لەوەشکراوە، لەو ڕووبەڕووبوونەوانەدا، شەڕڤانێکی هەسەدە شەهید بووە و یەکێکی دیکەش بریندار بووە. .