ناس کورد-
خۆپیشاندەرانى گۆڕەپانى تەحریر راگەیەندراوێکیان بڵاوکردەوە و تیایدا داواى رۆشتنى حکومەتى "قەناس بەدەستەکان" دەکەن و ئاماژە بەوە دەکەن "ستەمکاران"ى دەسەڵات لەکۆشکى تاریکیدا کۆبوونەتەوە بۆ پینە و پەڕۆکردنى کۆمەڵێک کارى حکومەت کە دەستى بە خوێنى هاووڵاتیان سوورە.
.
ئه‌مڕۆ (شه‌ممه، 23ى تشرینى دووەمى 2019)، خۆپیشاندەرانى گۆڕەپانى تەحریر راگەیەندراوێکیان بڵاوکردەوە و ئاماژە بەوە دەکەن "گه‌رچى خۆپیشانده‌ران داواى ڕۆشتنى حكومه‌تى قه‌ناس به‌ده‌سته‌كان ده‌كه‌ن پێش هه‌ر دانیشتن و ڕێكکه‌وتنێك به‌ڵام چه‌ند لایه‌نێكى گه‌نده‌ڵى سیاسى سوورن له‌سه‌ر مانه‌وه‌ى بۆیه ده‌سه‌ڵاتیش سڵ له‌كوشتنى خۆپیشانده‌ران و سه‌ركوتكردنیان ناكاته‌وه".
.
خۆپیشانده‌رانى گۆڕەپانى ته‌حریر روونیانکردۆتەوە "كۆبوونه‌وه‌ى ژماره‌یه‌ك له‌كه‌سایه‌تیه‌كان له‌گه‌ڵ سه‌رۆكى حكومه‌تێكدا كه به‌رپرسه له كوشتنى هاووڵاتیانى كرده‌وه‌یه‌كى ناشیرینه و سوكایه‌تیكردنه به‌خوێنى قوربانیان، ئه‌و كه‌سانه‌ش له‌سه‌ر خه‌ڵكه ناڕازییه ڕە‌سه‌نه‌كان كه گه‌نده‌ڵى و ناعه‌داله‌تى ڕە‌تده‌كه‌نه‌وه هه‌ژمار ناكرێن
.
بەگوێرەى راگەیەندراوەکە "حزبه ده‌سه‌ڵاتداره‌كان پاساوى مانه‌وه‌یان بۆ بوونى هه‌ڵبژاردنێكى ساخته ده‌گه‌ڕێننه‌وه كه زۆرینه‌ى عێراقیه‌كان بایكۆتیان کردووە".
.
داواش لە هاووڵاتیانى عێراق و هەرێمى کوردستان دەکەن "له‌دژى ئه‌و ده‌سه‌ڵاته خۆپیشاندانى ملیۆنى سازبكه‌ن و شه‌رعیه‌ت له‌هه‌موو حزبه ساخته‌چیه‌كان وه‌ربگیرێته‌وه و به‌و چاكسازییه ڕوكه‌شانه‌ى كه حكومه‌ت و ده‌سه‌ڵاتداران بۆ مانه‌وه‌یان باسى ده‌كه‌ن ڕە‌تبكه‌نه‌وه.
.
