گه‌ڕان

Shadow Shadow
سیاسه‌تی

کوژرانى خۆپیشاندەرێک گڕ لە لوبنان بەردەدات

2019.11.13 - 09:10
کوژرانى خۆپیشاندەرێک گڕ لە لوبنان بەردەدات

ناس کورد-

میدیا فەرمییەکانى لوبنان بڵاویانکردەوە، گەنجێکى لوبنانى بە فیشەک کوژراوە، دواى ئەوەى سوپاى ئەو وڵاتە دەستیکردووە بە تەقەکردن بۆ بڵاوەپێکردنى ئەو خۆپیشاندەرانەى لە هەوڵدا بوون رێگەیەکى سەرەکى لە بەیروت دابخەن.

.

گەنجەکە کە ئەندامى حزبى پێشکەوتنى ئیشتیراکییە بەسەرۆکایەتى وەلید جونبوڵات دواى گەیاندنى بە نەخۆشخانە گیانى لەدەستدا.

https://twitter.com/AlaaSarhal/status/1194364453552369666?ref_src=twsrc%5Etfw%7Ctwcamp%5Etweetembed%7Ctwterm%5E1194364453552369666&ref_url=https%3A%2F%2Fwww.alarabiya.net%2Far%2F2019%2F11%2F13%2F%25D8%25B4%25D8%25A7%25D9%2587%25D8%25AF-%25D9%2584%25D8%25AD%25D8%25B8%25D8%25A9-%25D8%25A7%25D8%25B7%25D9%2584%25D8%25A7%25D9%2582-%25D8%25A7%25D9%2584%25D9%2586%25D8%25A7%25D8%25B1-%25D8%25B9%25D9%2584%25D9%2589-%25D9%2585%25D9%2588%25D8%25A7%25D8%25B7%25D9%2586-%25D9%2584%25D8%25A8%25D9%2586%25D8%25A7%25D9%2586%25D9%258A-%25D8%25A8%25D8%25A7%25D9%2584%25D8%25B4%25D9%2588%25D9%258A%25D9%2581%25D8%25A7%25D8%25AA

خۆپیشاندەران شەوى ڕابردوو چوونە سەر شەقام بۆ ڕەتکردنەوەى قسەکانى میشێل عۆن سەرۆکى ئەو وڵاتە کە ڕایگەیاندبوو بەردەوامى خۆپیشاندانەکان زیان بە لوبنان و خۆپیشاندەرانیش دەگەیەنێت.

سوپاى لوبنان لەبەیانناکەیەکدا ڕایگەیاند، لەکاتى تیپەڕبوونى کاروانێکى سەربازى سەر بە سوپا، ژمارەیەک خۆپیشاندەر رێگەیام داخشتووە، بەو هۆیەشەوە سەربازەکان ناچاربوون بەرگرى بکەن و یەکێکیان تەقەیکردووە بۆ بڵاوەپێکردنیان و بەهۆیەوە کەسێک برینداربووە.

.

ئاماژەى بەوەشکردووە، فەرماندەیی سوپا دەستى بە لێکۆڵینەوە کردووە و سەربازەکە دەستبەسەرکراوە.

.

لوبنان ماوەى زیاتر لە سێ هەفتەیە خۆپیشاندانى گەورە بەخۆوە دەبینێت، دژى چینى دەسەڵاتدار وخراپى دۆخى ئابورى.

.

خۆپیشاندانەکان لە 17ى تشرینى یەکەمى ڕابردوو دەستیان پێکرد، دواى بڕیارێکى حکومەت بۆ سەپاندنى باجى نوێ بەسەر هاوڵاتییاندا.