گه‌ڕان

Shadow Shadow
سیاسه‌تی

دوو هاوسەرۆکى شارەوانى و بەرپرسێکى هەدەپە دەستگیرکران

2019.11.08 - 12:07
App store icon Play store icon Play store icon
دوو هاوسەرۆکى شارەوانى و بەرپرسێکى هەدەپە دەستگیرکران

کەناڵی ناس کورد لە تێلیگرام جۆین بکە   

ناس کورد- هێزە ئەمنییەکانى تورکیا دوو هاوسەرۆکى شارەوانى و بەرپرسێکى پارتى دیموکراتى گەلان (هەدەپە) یان دەستگیرکرد. . بەپێی ئاژانسى فورات نیوز، سەدات شەنئۆغلۆ هاووتەبێژی کۆنگرەی دیموکراتیکی گەلان لەئامەد دەستگیرکراوە و بۆ بەڕێوەبەرایەتی پۆلیسی ئەستەنبوڵ گواسترایەوە. . ئاماژە بەوەشکراوە، شەنئۆغلۆ سێ ڕۆژ لە زیندانی بەڕێوەبەرایەتی پۆلیسی ئەستەنبوڵ دەمێنێتەوە و دواتر دادگایی دەکرێت. . بەپێی ئاژانسەکە، هەروەها هێزە ئەمنییەکانى تورکیا، ئازیم یاجان و شەهزادە کورت هاوسەرۆکانی شارەوانی ناوچەی رێگەی ئارمووشی وانیان دەستگیرکردووە. . دواى دەستگیرکردنیان، هاوسەرۆکانی شارەوانی بۆ بەڕێوەبەرایەتی پۆلیسی وان گواسترانەوە. پۆلیسی تورکیاش باڵەخانەی شارەوانیان گەمارۆداوە و رێگە بە کەس نادەن بچنە ناو باڵەخانەکەوە. . لەدواى هەڵبژاردنى شارەوانییەکانى تورکیاوە، هێزە ئەمنییەکانى ئەو وڵاتە چەندین سەرۆک شارەوانى و بەرپرسی هەدەپەیان بە تۆمەتى جیاجیا دەستگیرکردووە و هەدەپەش پڕۆسەکە بە سیاسی دادەنێت. . تا ئێستا 14 سەرۆک شارەوانى هەدەپە لەکارەکانیان دورخراونەتەوە و دەستگیرکراون و لەشوێنیان کەسانى دیکە بە قەیوم دانراون.