گه‌ڕان

Shadow Shadow
سیاسه‌تی

شاسوار عەبدولواحید لەبارەى پارەى خۆڵ و خاشاکەوە: تەحەدای حکومەت و بەرپرسانی هەرێم دەکەین

2019.11.06 - 19:31
App store icon Play store icon Play store icon
شاسوار عەبدولواحید لەبارەى پارەى خۆڵ و خاشاکەوە: تەحەدای حکومەت و بەرپرسانی هەرێم دەکەین

کەناڵی ناس کورد لە تێلیگرام جۆین بکە   

ناس کورد- شاسوار عەبدولواحید لەبارەى وەرگرتنى پارەى خۆڵ و خاشاک لە هاوڵاتییانى هەرێم دەڵێت، "تەحەدای حکومەت و بەرپرسانی هەرێم دەکەین".
, لە نوسینێکیدا لە فەیسبووک شاسوار عەبدولواحید، سەرۆکى جوڵانەوەى نەوەى نوێ دەڵێت: "لەبری ئەوەی ماڵێک پێنج هەزار دیناری لێ وەربگیرێت لەبری خۆڵ فڕێدان، ئەوا تەحەدای حکومەت دەکەین کە ڕێمان بدەن کۆمپانیایەکی پرۆفیشناڵی تایبەتمەند بانگهێشتی کوردستان بکەین و خۆڵی ماڵان کۆبکاتەوە و پرۆژەی ریسایکلین لە شارەکانی هەرێم دروست بکات، دوور لە دزی و شەریکایەتی بەرپرس". , سەرۆکى جوڵانەوەى نەوەى نوێ ئەوەشى خستوەتەڕو: "لەبری ئەوەی پارە لە هاوڵاتییان وەربگیرێت، ئەوا مانگانە بڕی پێنج هەزار دینار دەداتە هەر خاوەن ماڵێک لەبری وەرگرتنی خۆڵ و خاشاکەکەی، بەس بەو مەرجەی جۆری جیاوازی خۆڵەکان بکەنە ناو سەتڵی جیاواز کە بۆیان دابیندەکرێت". , لەبارەى ئەو هەنگاوەى خۆی گەر بێت و ڕێگەى پێبدرێت شاسوار عەبدولواحید دەڵێت: "بەمە دەڵێن حوکمڕانی و ئیدارەدانی وڵات، نەک بەوەی ئێوە، بە راستی شەرمە، بەسە وا دەکەن لەم میلەتە، یەک خاوەن ماڵ پارەی خۆڵ نادات و کەس دینارێکتان پێ نادەن".
  , لەگەڵ نوسینەکەى لە فەیسبووک شاسوار عەبدولواحید وێنەى خۆی و منداڵەکەى پۆست کردووە، ئاماژەى بۆ ئەوەشکردووە: "ئەم منداڵەی من کە تەمەنی کەمترە لە سێ ساڵ، دەزانێت کە ئێوە گروپێکی فاشیلی بەرژەوەندخوازن و تەنها بیر لە پارە و دزی دەکەنەوە". , "بۆ خاتری خوا، کەس هەیە نەزانێت ئێستا لە دونیادا خۆڵ پارە دەکات، نەک پارە لە خەڵک وەربگریت، کەس هەیە نەزانێت کە لە ئەوروپا لە بری شوشەیەک چەند سەنتێکت دەدەنەوە، نازانم ئەم میلەتە چ تاوانێکیان ئەنجامداوە، تا وا توشیان بوە بە توشی ئەم فاشیلانەوە؟"، شاسوار عەبدولواحید واى نوسیوە. ,
,