گه‌ڕان

Shadow Shadow
سیاسه‌تی

هاوپەیمانی فەتح داواى کۆتاییهێنان بە پشێوییەکان دەکات

عەبادی بۆ سەرۆکوەزیرانى عێراق: دەستلەکاربکێشەوە تا کار لە کار نەترازاوە

2019.11.05 - 14:49
App store icon Play store icon Play store icon
عەبادی بۆ سەرۆکوەزیرانى عێراق: دەستلەکاربکێشەوە تا کار لە کار نەترازاوە

کەناڵی ناس کورد لە تێلیگرام جۆین بکە   

ناس کورد- هاوپەیمانی فەتح سەر بە هادی عامری، داوا لە عەبدولمەهدی دەکات چیدی ڕێگەنەدات بە دروستبوونی پشێوی و داواى هەڵوێستى لێدەکات، لەلایەکى تریشەوە عەبادى هۆشدارى دەدات و داواى دەستلەکارکێشانەوەى سەرۆکوەزیران دەکات. , ئەمڕۆ سێشەممە 5ی تشرینی دووەمی 2019، هاوپەیمانی فەتح سەر بە هادی عامری لە ڕاگەیاندراوێکدا، داوای لە عادل عەبدولمەهدی کرد چیدی ڕێگەنەدات بە دروستبوونی  پشێوى دەشڵێت: "داخستنی ڕێگە و پردەکان و هەڵپەساردنی دەوامی دامەزاروە حکومییەکان زیانی گەورە بە بەرژەوەندی نیشتیمانی دەگەیەنێت". , لە ڕاگەیاندراوەکەدا هاوپەیمانی فەتح، داواشی لە خۆپیشاندەرەکان کردووە، ڕوبەڕوی ئەو کەسانە ببنەوە کە دەیانەوێت خۆپیشاندانەکان بەلاڕێدا ببەن و سەرەکۆنەی ئەو جۆرە ڕەفتارانە بکەن کە زیان بە بەرژەوندی گشتی دەگەیەنێت. , لەلایەکى دیکەوە هەر ئەمڕۆ، حەیدەر عەبادی، سەرۆکی هاوپەیمانی نەسر، لەمیانەی چاوپێکەوتنێکی لەگەڵ تۆڕی میدیایی "سی ئێن ئێن"ی ئەمریکی، داوای لە عادل عەبدولمەهدی کرد "لە زوترین کاتدا وەڵامی داواکارییەکانی خۆپیشاندەران بداتەوە و دەستلەکاربکێشێتەوە تا کار لەکار نەترازاوە". , ,