گه‌ڕان

Shadow Shadow
سیاسه‌تی

جارێکى تر یەکێتى بەفەرمى لە میدیاکانەوە نیگەرانى خۆى لە پارتى ڕاگەیاند

2019.10.31 - 14:25
App store icon Play store icon Play store icon
جارێکى تر یەکێتى بەفەرمى لە میدیاکانەوە نیگەرانى خۆى لە پارتى ڕاگەیاند

کەناڵی ناس کورد لە تێلیگرام جۆین بکە   

ناس کورد- یەکێتى بە فەرمى نیگەرانى خۆى لە جێبەجێنەکردنى ڕێککەوتنەکەى لەگەڵ پارتى خستەڕو، وتەبێژى حیزبەکەش وتى، لەوبارەیەوە پارتییان ئاگادارکردووەتەوە. , لەتیف شێخ عومەر، وتەبێژى یەکێتى لە کۆنگرەیەکى ڕۆژنامەوانیدا ڕایگەیاند: "ڕێککەوتنەکەمان لەگەڵ پارتى بە باشى جێبەجێنەکراون، لەو بارەشەوە نیگەرانى خۆمان بەڕونى بە پارتى گەیاندووە". , وتەبێژی یەكێتی وتیشی: "وەك هەموكات لەم بارودۆخە ئاڵۆزەی عێراقدا بۆ پاراستنی هەرێمی كوردستان و خەڵكەكەی لەگەڵ یەكڕیزیداین، بەڵام نیگەرانین لە رێككەوتنەكەمان لەگەڵ پارتی و بەشی زۆری رێككەوتنەكە جێبەجێنەکراوە". , "بارودۆخی عێراق بەهەلومەرجێكی سەختدا تێپەڕدەبێت، بۆیە ئێستا كوردستان لە هەموكات زیاتر پێویستی بەیەكڕیزی هەیە بۆ پاراستنی قەوارە و دەستكەوتنەكانی هەرێم"، لەتیف شێخ عومەر وای وت. , باسیلەوەشکرد: "وەک یەکێتی، نایشارنەوە زۆر نیگەرانین لە ڕێككەوتنەكەمان لەگەڵ پارتی دیموكراتی كوردستان و پێمانوایە بەشی زۆری رێككەوتنەكە جێبەجێنەبوون، ئەوەشی جێبەجێبوە تێبینمان لەسەری هەیە و بەناوی یاریدەدەرەوە حكومەتێكی بچوك دروستكراوە". , دەربارەی ڕێککەوتنی پارتی و یەکێتی لە کەرکوک وتەبێژی یەكێتی ئاشکرایکرد: "رێككەوتنەكەشمان لەسەر پارێزگاری كەركوك هیچی جێبەجێ نەبوە، نیگەرانییەكانیشمان گەیاندووەتە پارتی و سەرۆكی ئەنجومەنی وەزیران". , ئەمە بۆ جارى یەکەم نییە یەکێتى لەڕێى میدیاکانەوە نیگەرانییەکانى خۆى بگەیەنێتە پارتى، بەتایبەت لەبارەى ڕێککەوتنى پێکهێنانى کابینەى نۆى حکومەتى هەرێم. ,