پەرلەمانى کوردستان تاپۆکردنى زەوى و خانوى زیادەڕۆ دەخاتە دەنگدانەوە

ناس کورد-   بڕیارە ڕۆژى چوارشەممە پەرلەمانى کوردستان کۆبێتەوە و پێشنیازى یاساى تاپۆکردنى زەوى و خانووى زیادەڕۆ بخاتە دەنگدانەوە. . سەرۆکایەتى پەرلەمان لە ڕاگەیەنراوێکدا ڕایگەیاند، لەکۆبونەوەکەدا خوێندنه‌وه‌ى یه‌كه‌م دەکرێت بۆ پێشنیازى یاساکانى، ‌ماف و ئه‌ركی نه‌خۆش، پێشنیازی یاسای ریكلامى بازرگانی. . ئاماژەى بەوەشکردووە، خاڵى دووەمى کۆبوونەوەکە تایبەتە بە ده‌نگدان له‌سه‌ر پێشنیازی یاسای (به‌خاوه‌نكردنی ئه‌و زه‌وییانه‌ى زیاده‌ڕۆییان له‌سه‌ر كراوه‌ له‌ سنوورى شاره‌وانییه‌كان، به‌پێی حوكمى ماده‌كانى (90 ، 91، 93، 96، 97) له‌ په‌یڕه‌وی ناوخۆی په‌رله‌مانى كوردستان.