گه‌ڕان

Shadow Shadow
سیاسه‌تی

چارەسەر یان سزا؟

ئەمریکا چەند بژاردەیەک دەخاتە بەردەم تورکیا

2019.10.26 - 09:50
App store icon Play store icon Play store icon
ئەمریکا چەند بژاردەیەک دەخاتە بەردەم تورکیا

کەناڵی ناس کورد لە تێلیگرام جۆین بکە   

ناس کورد- به‌رپرسێكى باڵاى كۆشكى سپى ڕایگه‌یاند، هێشتا كار بۆ ئه‌وه‌ ده‌كه‌ن و له‌گفتوگۆدان بۆ ئه‌وه‌ى توركیا سیستمى ئێس- 400 ڕوسى به‌كارنه‌هێنیت، داواكارییه‌كانى ئه‌مریكاش له‌سه‌ر ئه‌وه‌ن كارى پێنه‌كات، یاخود بیگه‌ڕێنیته‌وه‌ یان تێكیشى بشكێنیت یاخود چى لێده‌كات بیكات. . به‌رپرسەکە کە نه‌یویستووه‌ ناوه‌كه‌ى بۆ میدیاكان ئاشكرا بكات ئاماژه‌ى بۆ ئه‌وه‌شكردووه‌، پرسى سیستمى به‌رگرى موشه‌كى له‌گفتوگۆكاندا به‌فراوانتر له‌پرسى له‌شكركێشیه‌كانى توركیا بۆ سه‌ر باكورى سوریا باسى لێوه‌ ده‌كرێت. . ئه‌وه‌شى ڕوونكردووه‌ته‌وه‌، به‌پێى یاسای به‌ره‌نگاربوونه‌وه‌ى نه‌یاره‌كانى ئه‌مریكا له‌ڕێگه‌ى سه‌پاندنى سزاكانه‌وه‌، تا ئێستا پرسى كڕینى سیستمى به‌رگرى موشه‌كى ڕووسى له‌لایه‌ن توركیاوه‌ بێ چاره‌سه‌ر ماوه‌ته‌وه‌ و به‌هۆى ترسناكى ئه‌و سیستمه‌شه‌وه‌ سزاكان قورس ده‌بن گه‌ر به‌سه‌ر توركیادا به‌و هۆیه‌وه‌ بسه‌پێنرێن. مانگى ته‌موزى ئه‌م ساڵ توركیا سیستمى ئێس- 400 ڕوسى پێگه‌یشت دواى ئه‌وه‌ى مامه‌ڵه‌ى كڕینه‌كه‌ى له‌گه‌ڵ ئه‌و وڵاته‌دا ته‌واو كرد،  ئه‌و كاره‌ش كاردانه‌وه‌ى ئه‌مریكاى لێكه‌وته‌وه‌ و هه‌ڕه‌شه‌ى سه‌پاندنى سزاى به‌سه‌ر توركیادا كرد به‌ڵام تا ئێستا هیچ سزایه‌كى له‌و باره‌وه‌ جێ به‌جێ نه‌كردووه‌. . دواى ئه‌وه‌ى ئه‌مریكا كۆمه‌ڵێك سزاى ئابورى سه‌پاند‌ بەسه‌ر توركیا به‌هۆى هێرشه‌كانى بۆ سه‌ر ڕۆژئاواى كوردستان، به‌ڵام هه‌فته‌ى ڕابردوو تڕه‌مپ بە پاساوى ڕاگرتنى شه‌ڕ له‌لایه‌ن توركیاوه‌ سزاكانى سه‌ر توركیاى هەڵگرت.