گه‌ڕان

Shadow Shadow
سیاسه‌تی

دوایین ئامارى فەرمى خۆپیشاندانەکانى عێراق 30 کوژراو و 2312 بریندار

2019.10.26 - 08:31
دوایین ئامارى فەرمى خۆپیشاندانەکانى عێراق  30 کوژراو و 2312 بریندار
ناس کورد- کۆمسیۆنى باڵاى مافى مرۆڤى عێراق ڕایگەیاند، ژمارەى ئەو کەسانەى لە خۆپیشاندانەکانى دوێنێدا کوژراون بۆ 30 کەس بەرزبووەتەوە، 2312 کەسى دیکەش برینداربوون. . بەپێی بەیاننامەیەکى کۆمسیۆن، بەهۆى پێکدادانى نێوان هێزە ئەمنییەکان و پاسەوانى بارەگا حزبییەکان و خۆپیشاندەرانەوە، 30 کەس لە شارە جیاجیاکانى عێراق کوژراون بەم شێوەیە: . بەغدا: هەشت کوژراو میسان: نۆ کوژراو زیقار: نۆ کوژراو بەسرە: سێ کوژراو موسەننا: یەک کوژراو . کۆمسیۆنى باڵاى مافى مرۆڤى عێراق باسى لەوەشکردووە، ژمارەى بریندارانى خۆپیشاندەران و هێزە ئەمنییەکان بۆ 2312 کەس بەرزبووەتەوە بەم شێوەیە: . بەغدا: 1439 بریندار زیقار: 90 بریندار واست: 10 بریندار موسەننا: 151 بریندار بەسرە: 301 بریندار دیوانیە: 112 بریندار میسان: 105 بریندار کەربەلا: 50 بریندار بەپێی بەیاننامەکەى کۆمسیۆن، 50 بارەگاى حکومى و بارەگاى حزبى لە پارێزگاکانى دیوانیە، میسان، واست، زیقار و بەسرە و بابل سوتێنراون و زیانیان بەرکەوتووە، قەدەغەى هاتوش لە پارێزگاکانى زیقار و بەسرە و موسەننا و واست ڕاگەیەنراوە. کۆمسیۆن داواى لە خۆپیشاندەران کردووە، بەشێوەى ئاشتیانە خۆپیشاندان بکەن و زیان بە موڵک و ماڵى گشتى و تایبەت نەگەیەنن، داواشى لە هێزە ئەمنییەکان کردوە پارێزگارى لە خۆپیشاندەران بکەن.