گه‌ڕان

Shadow Shadow
سیاسه‌تی

تورکیا و میلیشیاکانى بۆردوومانى گوندێکیان کرد و خێزانێکى شەش کەسى بە سەختى برینداربوون

2019.10.25 - 16:48
App store icon Play store icon Play store icon
تورکیا و میلیشیاکانى بۆردوومانى گوندێکیان کرد و خێزانێکى شەش کەسى بە سەختى برینداربوون

کەناڵی ناس کورد لە تێلیگرام جۆین بکە   

ناس کورد- به‌هۆى بۆردوومانى سوپاى توركیا و میلیشیا چه‌كداره‌كانییه‌وه‌ له ‌سوریا، سه‌رجه‌م ئه‌ندامانى خێزانێك له ‌ڕۆژئاواى كوردستان برینداربوون، چوار منداڵیشیان تێدایه‌. , میدیاكانى ڕۆژئاوا بڵاویان كرده‌وه‌، ئه‌مڕۆ هه‌ینى 25ى تشرینى یەکەمى 2019، به‌هۆى بۆردوومانى سوپاى توركیا و میلیشیا چه‌كداره‌كانییه‌وه‌ له‌سوریا، له‌ گوندى ڕه‌جیمان كه‌ ده‌كه‌وێته‌ باكورى عه‌ین عیسا،‌ خێزانێكى كوردى شەش کەسى، کە چواریان منداڵن بریندار بوون. , دوابه‌دواى برینداربوونیان له‌لایه‌ن تیمه‌كانى فریاكه‌وتنى ناوچه‌كه‌وه،‌ گه‌یه‌ندراونه‌ته‌ نه‌خۆشخانه‌كانى شارى ڕه‌قه‌ و برینه‌كانیان سه‌خته‌ و ئێستا له‌ژێر چاودێرى وردى پزیشكیدان. , ئه‌وه‌ش له‌كاتێكدایه،‌ به‌پێى دواهه‌مین ڕێكکه‌وتنى توركیا و ڕوسیا، ئاگربه‌ست ڕاگەیەندراوە، توركیاش به‌ فه‌رمى وه‌ستاندنى له‌شكركێشییه‌كانى ڕاگه‌یاندووه‌، به‌ڵام له‌سه‌ر ئه‌رزى واقیعدا به‌رده‌وامه‌ له ‌بۆردوومان و په‌لامارەکانى، به‌وهۆیه‌وه‌ش چه‌ندین خه‌ڵكى سڤیل له ‌ڕۆژانى ڕابردوو له‌ ڕۆژئاواى كوردستان شه‌هید بوون. , ,