گه‌ڕان

Shadow Shadow
وه‌رزش

نەبوونی ناوی دوو یاریزان لە لیستی پاڵێوراوانی باڵوندۆردا بووەتە جێگەی سەرسوڕمان

2019.10.22 - 13:02
نەبوونی ناوی دوو یاریزان لە لیستی پاڵێوراوانی باڵوندۆردا بووەتە جێگەی سەرسوڕمان
ناس کورد- گۆڤاری فرانس فۆتبۆڵی فەڕەنسی ناوی ئەو 30 یاریزانەی ئاشکراکرد کە پاڵێوراون بۆ بردنەوەی خەڵاتی تۆپی ئاڵتونی بۆ باشترین یاریزانی جیهان، ئەوەشی جێگای سەرسوڕمانە، ناوی هەریەک لە نەیمار و لۆکا مۆدریچ لە لیستەکەدا نییە. . هاوشێوەی خەڵاتی زە بێست و باشترین یاریزانی ئەوروپا، چاوەڕوان دەکرێت هەرسێ یاریزان و مێسی و ڕۆناڵدۆ و ڤاندایک، ڕکابەری لەسەر خەڵاتەکە بکەن، بەگوێرەی میدیا جیهانییەکانیش، زۆرێک لە کۆمپانیاکانی قومار، ڤاندایک وەک بەهێزترین پاڵێوراو بۆ بردنەوەی خەڵاتەکە دەبینن، دوای ئەویش لیۆنێل مێسی. . ئەوەی جێگەی سەرنجە و بووەتە باس و خواسی میدیاکان، لە لیستەکەدا و لە کۆی 30 یاریزان، ناوی لە نەیماری ئەستێرەی بەڕازیلی و یانەی پاریس سانجێرمانی تێدا نییە، کە لە ڕابردوودا بە نزیکترین ڕکابەری مێسی و رۆناڵدۆ ناودەبرا بۆ بردنەوەی خەڵاتە تاکە کەسییەکان. . جگە لە نەیمار، لە لیستەکە ناوی لۆکا  مۆدریچی، ئەستێرەی کرواتی و یانەی ریاڵ مەدرید نابینرێت، کە ساڵی ڕابردوو براوەی خەڵاتەکە بوو، ئەوەش بۆ یەکەمجارە لە مێژوودا، هەڵگری خەڵاتەکە لە ساڵی دواتردا ناوی لە لیستی 30 پاڵێوراوەکەدا نەبێت. . هەر لەبارەی ژمارەکانی تایبەت بە باڵۆندۆری ئەمساڵەوە، ڕۆناڵدۆ ژمارەیەکی نوێی تۆمارکرد و ماوەی 16 ساڵە لەسەریەک بۆ بردنەوەی خەڵاتەکە دەپاڵێورێت، کە ئەوەش بۆ یەکەمجارە لە مێژوودا ڕوودەدات. . ڕۆژی 2ی کانونی یەکەمی 2019، لە شاری پاریسی پایتەختی فەڕەنسا لە ڕێوڕەسمێکی تایبەتدا ناوی براوەی خەڵاتەکە ئاشکرا دەکرێت.