گه‌ڕان

Shadow Shadow
سیاسه‌تی

تورکیا دژى یەپەگە هانا بۆ ڕوسیا دەبات

ڕوسیا هەڵوێستى نوێی لەسەر هێرشەکانى تورکیا ڕاگەیاند

2019.10.20 - 14:26
App store icon Play store icon Play store icon
ڕوسیا هەڵوێستى نوێی لەسەر هێرشەکانى تورکیا ڕاگەیاند

کەناڵی ناس کورد لە تێلیگرام جۆین بکە   

ناس کورد-   وتەبێژ بەناوى سەرۆکایەتى ڕوسیاوە ڕایگەیاند، پێشهاتەکانى تایبەت بە ڕووداوەکانى باکور و ڕۆژهەڵاتى سوریا، زیان بە چارەسەرى سیاسی قەیرانى ئەو وڵاتە دەگەیەنێت، تورکیاش دەڵێت پرسی دەرکردنى یەپەگە لە منبج و کۆبانێ لەگەڵ ڕوسیا تاوتوێ دەکەن. . دیمترى بیسکۆف وتەبێژ بەناوى سەرۆکایەتى ڕوسیاوە بە کەناڵى (ڕوسیا الیوم)ى ڕاگەیاندووە "پەرەسەندنە سەربازییەکانى ئەم دواییە جێگاى نیگەرانى قوڵى ئێمەن و زیان بە چارەسەرى سیاسی دەگەیەنێت". . ئەوە نوێترین هەڵوێستى ڕوسیایە لەبارەى هێرشەکانى تورکیاوە بۆ سەر ڕۆژئاواى کوردستان و "شکاندنى" ئاگربەست لەلایەن تورکیاوە. . لاى خۆیەوە، مەولود چاوش ئۆغڵو وەزیرى دەرەوەى تورکیا ڕایگەیاند، وڵاتەکەى پرسی دەرکردنى یەپەگە لە منبج و کۆبانێ لەگەڵ ڕوسیا تاوتوێ دەکات، لە چوارچێوەى دانوستانەکانى سۆچیدا. . وتیشى "تورکیا نایەوێت هیچ چەکدارێکى کورد لەناوچەى ئارام بێت، لەدواى ئاگربەستە پێنج رۆژییەکەوە". . بڕیارە ڕۆژى سێشەممە ڕەجەب تەیب ئەردۆغان سەرۆک کۆمارى تورکیا بچێتە ڕوسیا، بۆ ئەنجامدانى دانوستان لەگەڵ هاوتا ڕوسییەکەیدا لەبارەى ڕەوشى سوریاوە.