گه‌ڕان

Shadow Shadow
سیاسه‌تی

سەرەڕاى ئاگربەست

تورکیا چەکى قورس و گروپە چەکدارەکان دەباتە سەرێکانى

2019.10.19 - 09:17
 تورکیا چەکى قورس و گروپە چەکدارەکان دەباتە سەرێکانى
ناس کورد- ئاژانسى هاوار نیوز بڵاویکردەوە، سوپاى تورکیا لە ئێوارەى دوێنێوە و تا ئێستا بەردەوامە لە ناردنى گروپە چەکدارەکان و چەکى قورس بۆ شارى سەرێکانى ڕۆژئاواى کوردستان. . بەپێی ئاژانسەکە، هەروەها گروپە چەکدارە هاوپەیمانەکانى تورکیا بەردەوامن لە هێرشکردنە سەر پێگەکانى هێزەکانى سوریاى دیموکرات. . ئاماژەى بەوەشکردووە، سوپاى تورکیا تا ئێستا پابەندنییە بە ئاگربەستەوە و فڕۆکە جەنگییەکانى بۆردومانى گوندەکانى دەوروبەرى سەرێکانى و ناحیەى زرکان دەکەن، کە بەهۆیەوە چەند کەسێک شەهید و برینداربوون. . دوێنێ به‌ڕێوه‌به‌رایه‌تی خۆسه‌ری رۆژئاوای کوردستان، لەبەیاننامەیەکدا ڕایگەیاندبوو، حکومەتی ئەنقەرە پابەندی ئاگربەست نابێت و ده‌یه‌وێت رێککه‌وتنه‌کەى لەگەڵ ئەمریکا‌ بکاته‌ بیانویەک بۆ "گۆڕینی دیمۆگرافیای ناوچه‌که‌ و پاکتاوی نه‌ژادی پێکهاته‌کان"‌. . ڕۆژى 17ى ئەم مانگە،  تورکیا و ئەمریکا ڕێککەوتنێکى نۆ خاڵیان واژۆکرد، بۆ ڕاوەستاندنی شەڕ و لەشکرکێشییەکانى تورکیا بۆسەر ڕۆژئاوا و ڕاگەیاندنی ئاگربەست بۆ ماوەی 120 کاتژمێر، لەگەڵ دروستکردنی ناوچەی ئارام، کە ببێتە هۆی ئارامی تورکیا و پاراستنی کوردەکان.