گه‌ڕان

Shadow Shadow
سیاسه‌تی

بەرپرسانی ڕۆژئاوا: سەرێکانی گەمارۆ دراوە و مەترسی هەیە تورکیا کۆمەڵکوژی بکات

2019.10.17 - 15:05
App store icon Play store icon Play store icon
بەرپرسانی ڕۆژئاوا: سەرێکانی گەمارۆ دراوە و مەترسی هەیە تورکیا کۆمەڵکوژی بکات

کەناڵی ناس کورد لە تێلیگرام جۆین بکە   

ناس کورد- سوپای تورکیا و چەکدارەکانی شاری سەرێکانیان گەمارۆ داوە، بەرپرسانى ڕۆژئاواى کوردستانیش هۆشدارى دەدەن لەوەى مەترسی ئەنجامدانی کۆمەڵکوژی هەیە. , ئەمڕۆ چوارشەممە، 17ی تشرینی یەکەمی 2019،  ئاڵدار خەلیل ئەندامی دەستەی بەڕێوەبەری تەڤگەری جڤاکی دیموکراتی (تەڤدەم) ڕایگەیاند: "سوپای داگیرکەری تورکیا و چەکدارەکانی کە ناتوانن لە سەرێکانی پێشڕەوی بکەن، ئەو شارەیان گەمارۆ داوە و سەرەڕای ئەوەی خەڵکی سڤیل تێدایە شارەکە بێ وەستان بۆردوومان دەکەن". , ئاڵدار خەلیل، ئاماژەی بەوەداوە: "خەڵکی سڤیلى ناو شارەکە بێ ئاو و خواردن و کارەبان، هەروەها نەخۆشخانەی شارەکە لەژێر مەترسی بۆردوومانی فڕۆکەکاندایە و پێویستە سەرجەم لایەنە پەیوەندیدارەکان هەوڵبدەن کە پێش لە کۆمەڵکوژی بگرن". , ئەندامەکەى تەڤدەم ئاشکراشیکردووە: "ئەنجومەنی ئاسایش کۆبوونەوەیەکی لەسەر هێرشە داگیرکەرییەکانی دەوڵەتی تورکیا بۆسەر باکور و ڕۆژهەڵاتی سوریا کرد، بەڵام نەیتوانی بڕیارێک لەسەر ئەو بابەتە دەربکات". , هاوکات ده‌سته‌ و ڕێکخراو و چالاکانی مه‌ده‌نی له‌ ڕۆژئاوای کوردستان، داوا ده‌که‌ن، نه‌ته‌وه‌یه‌کگرتووه‌کان و کۆمکاری عه‌ره‌بی و رێکخراوه‌ نێوده‌وڵه‌تییه‌کان، فشار بخه‌نه‌ سه‌ر تورکیا بۆ راگرتنی هێرشه‌کانی و کردنه‌وه‌ی رێڕه‌وێکی مرۆیی بۆ ده‌ربازبوونی ئەو خەڵکە له‌ سه‌رێ کانی. , ڕێکخراوه‌ مرۆییه‌کانی جزیره‌ له‌ ڕاگەیەندراوێکدا ئاشکرایانکردووه‌: "ماوه‌ی سێ رۆژه‌ سوپای تورکیا و میلیشیاکانی گه‌مارۆی سه‌رێ کانیان داوه‌، ڕێگه‌ به‌ ده‌رچونی خەڵکە سڤیلەکە و گواستنه‌وه‌ی برینداره‌کان ناده‌ن". , ئەو ڕێکخراوانە ئەوەشیان خستوەتەڕو: "ژیانی سه‌دان خێزان و هه‌زاران منداڵ و ژن له‌ سه‌رێکانی له‌ به‌رده‌م مه‌ترسی و هه‌ڕه‌شه‌یه‌کی جدیدان و هێرشه‌کانی تورکیا بۆ سه‌رێکانی وه‌ک تاوانی مرۆیی سه‌یر بکرێت و ڕێگه‌ بگیرێت له‌ ڕژانی خوێنی زیاتری خەڵکى ئەو ناوچه‌یه".‌‌ , ,