گه‌ڕان

Shadow Shadow
سیاسه‌تی

بارزانى: كاتی موزایەداتی بێهوودە و بۆچوونی عاتیفی و هەڵچوون نییە

2019.10.12 - 11:21
App store icon Play store icon Play store icon
بارزانى: كاتی موزایەداتی بێهوودە و بۆچوونی عاتیفی و هەڵچوون نییە

کەناڵی ناس کورد لە تێلیگرام جۆین بکە   

ناس کورد- مەسعود بارزانى ڕایگەیاند، ئێستا كاتی موزایەداتی بێهوودە و بۆچوونی عاتیفی و هەڵچوون نییە، بەڵکو كاتی ئەوەیە هەوڵ و توانایان بەكار بهێنین بۆ ئەوەی كۆتایی بەو شەڕە بێت کە ڕوبەڕووى ڕۆژئاواى کوردستان بووەتەوە. . بارزانى لەپەیامێکدا ئاماژەى بەوەکردووە "بەردەوامبوونی شەڕ و ئەو دۆخە مەترسیدارە، هەڕەشەیەكی زۆر جدییە بۆ سەر ژیانی خەڵك و ئاسایش و سەقامگیریی كۆی ناوچەكە دەكاتە ئامانج". . ئاماژەى بەوەشکردووە "هۆكارەكانی ئەو شەڕە هەرچییەك بووبن و هەر لایەنێك كەمتەرخەم بووبێت یان دەستی لەم دۆخە ترسناكە هەبووبێت، ئێستا كات، كاتی موزایەداتی بێهوودە و بۆچوونی عاتیفی و هەڵچوون نییە". . بارزانى جەختیکردووەتەوە "ئێستا كاتی ئەوەیە كە هەموو لایەكمان هەرچی هەوڵ و توانامان هەیە بەكاری بهێنین بۆ ئەوەی كۆتایی بەو شەڕە بێت و چیتر خەڵكی بێ تاوان باجی ئەو دۆخە مەترسیدارە نەدەن و ڕێگەیش لە گۆڕینی دیموگرافیی ئەو ناوچەیە بگیرێت". . ئەمڕۆ هێرشى بەرفراوانى تورکیا بۆ سەر ڕۆژئاواى کوردستان پێینایە چوارەم ڕۆژییەوە، کە بەپێی خەمڵاندنى نەتەوەیەکگرتووەکان بەهۆیەوە نزیکەى 100 هەزار کەس ئاوارەبوون. . بەردەوامى هێرشەکانى تورکیا لەکاتێکدایە، هەوڵە نێودەوڵەتییەکان بۆ ڕاگرتنى هێرشەکان زیاتربوون، هەریەکە لە ئەمریکا و فەڕەنسا داوایان لەو وڵاتە کردووە هێرشەکانى ڕابگرێت، بەڵام ئەردۆغان جەختیکردەوە کە هێرشەکانیان ڕاناگرن.