گه‌ڕان

Shadow Shadow
سیاسه‌تی

ئەگەرى پێکدادانانى سەربازى لەئارادایە

تورکیا هێزێکی سەربازی زۆری لەسنوری ڕۆژئاوای کوردستان کۆکردووەتەوە

2019.10.06 - 17:41
تورکیا هێزێکی سەربازی زۆری لەسنوری ڕۆژئاوای کوردستان کۆکردووەتەوە
ناس کورد –   سوپای تورکیا هێزێکی زۆری سەربازی بردووەتە ڕۆژئاوای کوردستان و هاوسەرۆکی تەڤدەمیش دەڵێت "سەرۆک کۆماری تورکیا بڕیاری شەڕ و کۆمەڵکوژیی داوە لە باکور و ڕۆژهەڵاتی سوریا". . دوابەدوای هەڕەشەکانی ڕەجەب تەیب ئەردۆگان، سەرۆک کۆمارى تورکیا بۆ هێرشکردنە سەر ڕۆژئاوای کوردستان، شەوی ڕابردوو (شەممە، 5ی تشرینی یەکەمی 2019)، کاروانێکی سەربازی سوپای تورکیا لە فەرماندەیی ڕوهاوە بەرەو شارۆچکەی ئاکچاکالەی نزیک لە گرێ سپی بەڕێکەوت کە هاو سنوورە لەگەڵ ڕۆژئاوای کوردستان، کاروانەکە له‌ 10 بارهەڵگر پێکهاتبوو کە زریپۆش و چەکی قورس و پێداویستی سەربازی لەخۆگرتبوو و بۆ سێهەمین فەرماندەیی سنوور لە سنووری ئەو شارۆچکەیە گوازرایەوە". https://www.facebook.com/ytrdsxj/videos/407470576815440/?__tn__=kCH-R&eid=ARA8ISZZc-U0X82_GMzp2AO4GNIkb67UTp9Csiw9a_xLhOIbf_qv7-PoqpwlPSxt5DZcq9CNVcogFiqQ&hc_ref=ARS_VSTvUqwvgUZxvKGjTSlNcn53oK8E0ZIk5F0TriBBCshrgBmJjgLTTjvecYp28qA&fref=nf&__xts__[0]=68.ARBoPD20_QlUG_f-OOiwnXBiXjhzsgf6bRyNu3iOFXpLFLWKdb-I2y9Lm7hP7VsxzyllPU14bY8oO4Jj9a-sdsUusMm-hDjyY6CE6_0WFVyGTMKyK_Nw7SZ2-RyKU6UrNVwJj97myiNesPnCZ_AQ3wiBzKPY4obr9DldmkT1haOXyKX6LIi9TkNiba8V4RZ8MyIsBc18K4RW3oi80Rt7bGBQCLq9pRQMHd_TOACRQyYnRtk1eOfey7xgZAsYpiimnCBFXkPza0RVoslUabMFL11rBKCDJW5KIIj9lhCE3mAMH35IcmxhP3gUhO3Acbl1pLez3lYUflu8tLWt3SRtKbNWSA-CEg3n8gxAHDoCI4dfLg4yzLd4ulkzV6pcG_R3hhYc51NjYfjEyt1xt3tirXDfFUj5oV0shUmaZMAEHDXxUk8wu8o3m5Jp77-Fs-ZYVxLoDiU_KsVpJshTAlWWyUPjE-xWtsNpopbMaGmbMRT4XcAA94_I6nFH9j3h7wph . هاوکات ئەمڕۆ (یەکشەممە، 6ی تشرینی یەکەمی 2019)، چەند فڕۆکەیەکی سەربازی سوپای تورکیا بەسەر ئاسمانی گرێ سپی سوڕاوەتەوە. . لەبەرانبەر ئەو هەڕەشانەدا ئیدارەی خۆبەڕێوەبەری کورد لە ڕۆژئاوای کوردستان لەبەیاننامەیەکدا داوا لە کۆمەڵگەی نێودەوڵەتی دەکەن بەهەموو دامەزراوەکانییەوە، گوشار بخەنە سەر تورکیا بۆ ئەوەی هیچ کارێکی دوژمنکارانە نەکاتە سەر ناوچەکانیان، هەروەها هانی یەکێتی ئەوروپا و هێزە کاریگەرەکانی ناو سوریا دەدەن لەوانە هاوپەیمانی نێودەوڵەتی دژی داعش  بەوەی بۆ سنووردانان بۆ هەڕەشە و مەترسییەکانی تورکیا هەڵویست وەربگرن. . لە بەیاننامەکەدا جەخت کراوەتەوە لەسەر ئەوەی هەڕەشە بەردەوامەکانی ئەردۆگان ترسناکە و هەڕەشە لە ئاسایش و سەقامگیری ناوچەکە دەکات. . هاوکات غەریب حەسۆ، هاوسەرۆکی تەڤگەری کۆمەڵگەی دیموکرات (تەڤدەم) لەمیانی چاوپێکەوتنێکیدا لەگەڵ ئاژانسی هەواڵی فورات نیوز ڕایگەیاند :"هەڕەشەکانی ئەردۆگان پلانی تورکیا، سوریا، ڕوسیا و ئێرانن و داواش لە گەلی کورد و گەلانی ناوچەکە دەکەم، کە لە دژی هێرش و هەڕەشەکان یەکدەنگ بن".     . غەریب حەسۆ داوا لە گەلی کورد و گەلانی ناوچەکە دەکات، لە دژی هێرش و هەڕەشەکان یەکدەنگ بن. .   هەڕەشەکانی ئەردۆگان لەکاتێکدایە ئەنقەرە و واشنتۆن لەمانگی ئابی رابردوو لەسەر دروستکردنی ژووری ئۆپەراسیۆنە هاوبەشەکان ڕێککەوتن بەئامانجی دروستکردنی ناوچەیەکی ئارام لە رۆژئاوای کوردستان و باکووری سوریا بەجۆرێک شەڕڤانانی کورد لە سنووری تورکیا دوور بخاتەوە . . ئەردۆگان لەلێدوانەکانی پێشوتریشیدا هەڕەشەی ئەوەی کرد بوو ئەگەر بێتو لەگەڵ واشنتۆن لەسەر دروستکردنی ناوچەی ئارام بەو شێوازەی تورکیا دەیخوازێت ڕێکنەکەوون و هیچ بەرەوپێشچوونێک لەو بارەیەوە نەیەتە دی ئەوا تورکیا تاکلایەنە هێرش دەکاتە سەر رۆژئاوای کوردستان. . لای خۆیەوە شۆن رۆبەرتسۆن، وتەبێژی پنتاگۆن رایگەیاند "ئەمریکا تەرکیزی لەسەر سەرکەوتنی میکانیزمی ئاسایشی هاوبەشە لەباکووری سوریا و پێشیوابوو ئەوە باشترین ڕێگایە بۆ هەموو لایەنەکان". . رۆبەرتسۆن وتیشی "هەر پڕۆسەیەکی سەربازی تاکلایەنەی تورکیا سەرچاوەی نیگەرانی قوڵی واشنتۆنە و بەرژەوەندییە هاوبەشەکانی نێوان تورکیا و ئەمریکا و بەزاندنی بەردەوامی داعش لاواز دەکات". .