گه‌ڕان

Shadow Shadow
سیاسه‌تی

عێراق هەموو هێرشێک بۆ سەر هێزەکانی هاوپەیمانی نێودەوڵەتی لەناو خاکەکەی ڕەتدەکاتەوە

2019.09.29 - 23:01
عێراق هەموو هێرشێک بۆ سەر هێزەکانی هاوپەیمانی نێودەوڵەتی لەناو خاکەکەی ڕەتدەکاتەوە
ناس کورد- وەزیری بەرگریی عێراق ڕەتى دەکاتەوە، لەنێو خاکى وڵاتەکەى هێرش کرابێتە سەر هێزەکانی هاوپەیمانی نێودەوڵەتی دژى داعش، یان هەر باڵوێزخانەیەکی وڵاتانی جیهان لە عێراق. , نەجاح شەمەری، وەزیری بەرگریی عێراق ڕایگەیاندووە: "بەهیچ شێوەیەک ڕێگەنادەین دەستدرێژی بکرێتە سەر هێزەکانی هاوپەیمانی نێودەوڵەتی و باڵوێزخانەکانی وڵاتانی جیهان، لە عێراق". , وەزیرى بەرگریی عێراق ئەوەشى خستوەتەڕو، ئەو لە ئێستادا لە هەوڵی ئەوەدایە کە چەند ڕێککەوتنێکی ئەمنی لەگەڵ وڵاتانی دراوسێدا واژوو بکات، ئاماژەی بەوەشکردووە، هەماهەنگییەکی ئەمنی تەواو هەیە لەنێوان عێراق وڵاتی سعودییە، لە ئایندەیەکی نزیکیشدا دەروازەی سنوری عەرعەر لەنێوان هەردوو وڵاتدا دەکرێتەوە. , شەمەرى ئاشکراى کردووە، لەماوەیەکی نزیکدا زیاتر لە هەزار سەربازى عێراقی کە پێشتر بەهۆی هەڵوەشاندنەوەی گرێبەستەکانیان لە ڕیزەکانی سوپا دوورخرابوونەوە، دووبارە دەگەڕێنەوە نێو ڕیزەکانی سوپای عێراق. ,