گه‌ڕان

Shadow Shadow
سیاسه‌تی

سوریا داواى کشانەوەى بەپەلەى هێزەکانى ئەمریکا و تورکیا دەکات

2019.09.29 - 08:41
سوریا داواى کشانەوەى بەپەلەى هێزەکانى ئەمریکا و تورکیا دەکات
ناس کورد-   وەزیرى دەرەوەى سوریا داوای لە ئەمریکا و تورکیا کرد بەپەلە هێزەکانیان لەسەر خاکى سوریا بکشێننەوە و هۆشداریدا لەوەى ڕێوشوێنى پێچەوانە دەگرنە بەر ئەگەر داواکەیان رەتبکرێتەوە. . وەلید موعەلیم، وەزیرى دەرەوەى سوریا لە وتەیەکدا لە کۆمەڵەى گشتى نەتەوە یەکگرتووەکان ڕایگەیاند "بوونى هەر هێزێکى بیانى لەسەر خاکى وڵاتەکەمان بەبێ ئاگادارى ئێمە، هێزى داگیرکەرە و پێویستە بەپەلە بکشێنەوە". . وتیشى "ئەگەر ئەو هێزانە نەکشێنەوە، مافى خۆمانە ڕێوشوێنى پێویست بەپێی یاساى نێودەوڵەتى بەرانبەریان بگرینە بەر". . وەلید موعەلیم باسى لەوەشکرد، تا ئێستاش ئەمریکا و تورکیا "بەشێوەى نایاسایی" بەردەوامى دەدەن بە بوونیان لەسەر خاکى سوریا و دەیانەوێت ناوچەى ئارام دروستبکەن، ئەوەش پێچەوانەى یاساى نێودەوڵەتى و پەیماننامەى نەتەوەیەکگرتووەکانە. . لەدواى سەرهەڵدانى شەڕى ناوخۆى سوریاوە، چەندین وڵات هێزى خۆیان لەسەر خاکى سوریا جێگیرکردووە و هەریەکەیان پشتیوانى لایەنێکى شەڕەکە دەکات.