گه‌ڕان

Shadow Shadow
سیاسه‌تی

سبەى پەرلەمانى عێراق دانیشتنەکانى وەرزى نوێی یاسادانان دەستپێدەکات

2019.09.22 - 22:58
سبەى پەرلەمانى عێراق دانیشتنەکانى وەرزى نوێی یاسادانان دەستپێدەکات
ناس کورد- بڕیارە سبەی دووشەممە پەرلەمانی عێراق کۆببێتەوە بۆ تاوتوێکردنی پرسی پێشەسازی سەربازی، موڵکداری زەوییە کشتوکاڵییەکان و چەند پرسێکی دیکە. , بەگوێرەی ڕاگەیاندراوێکی پەرلەمانی عێراق، سبەی دووشەممە، 23ى ئەیلولى 2019، پەرلەمان کۆبوونەوەی ئاسایی خۆی ئەنجامدەدات لە وەرزی نوێى یاسادانان. , لە ڕاگەیاندراوەکەدا ئاماژە بەوەشکراوە کە سبەی ژمارەیەک تەوەرلە چوارچێوەی دانیشتنەکاندا تاووتوێدەکرێن. , بەگوێرەی کارنامەی دانیشتنەکان، سبەی پەرلەمان دەنگ لەسەر پڕۆژەیاسای پیشەسازی سەربازی دەدات، لە هەمانکاتیشدا تاووتوێی ئەنجامەکانی ڕاپۆرتی لێکۆڵێنەوەکان دەکات سەبارەت بە تەقاندنەوەی کۆگاکانی حەشدی شەعبی. , هەروەها پەرلەمان خوێندنەوەی یەکەم بۆ یاسای پاراستنی کەمیینەکان و یاسای قەدەغەکردنی ئەشکنجەدان دەکات، خوێندنەوەی یەکەمیش دەکات بۆ پڕۆژەیاسای بوونی عێراق بە ئەندام لە پڕۆتۆکۆڵی نێودەوڵەتی تایبەت بە پاراستنی شوێنەوارە دێرینەکان لە کاتی جەنگدا. , خوێندنەوەی دووەمیش بۆ پڕۆژەیاسای بوونی عێراق بە ئەندام لە ڕێککەوتنی نێودەوڵەتی تایبەت بە گواستنەوە دەکرێت، وەک لە کارنامەکەدا هاتوە. , ئاماژە بەوەشکراوە، بەگوێرەی کارنامەی دانیشتنەکە، سبەی پەرلەمانى عێراق تاووتوێی ڕاپۆرتی لیژنی دارایی پەرلەمان دەکات، تایبەت بە وەرگرتنی کرێ لەو کەسانەی کە زەوییە کشتوکاڵییەکانی حکومەتیان بەکارهێناوە بۆ کارێکی دیکە.   , ,