کەناڵی ناس کورد لە تێلیگرام جۆین بکە
ناس کورد— رووداوێکى هاتوچۆ لەسەر ڕێگای وارماوە- دەربەندیخان روویداوە و بەهۆیەوە چوار کەس گیانیان لەدەستداوە، کە دوانیان بران و دوانى دیکەشیان مام و برازان. . کاروان محەمەد وتەبێژى هاتوچۆى سلێمانى بە ناس کوردى راگەیاند "سەرلەبەیانی ئەمڕۆ کاتژمێر 10 لەسەر ڕێگای وارماوە- دەربەندیخان ڕوداوێکی پێکداکێشان ڕویداوە لەنێوان دوو ئۆتۆمبێلى جۆرى نیسان و مارسیدزدا". . وتیشى "بەهۆى رووداوەکەوە سێ سەرنشین و شۆفێرى ئۆتۆمبێلی نیسانەکە گیانیان لەدەستداوە، لە ئۆتۆمبێلی جۆری مارسیدزیش شۆفێرەکە بریندارە". . هاوکات بەڕێوەبەرایەتى هاتوچۆى شارەزوور بڵاویکردەوە، دوو کەس لەوانەى گیانیان لەدەستداوە بران و دوو کەسەکەى دیکەش مام و برازان و هەر چواریان خزمى نزیکى یەکترن.
