گه‌ڕان

Shadow Shadow
سیاسه‌تی

کەربەلا.. بەهۆی تەقینەوەیەکەوە 11 کەس کوژران

2019.09.20 - 22:46
کەربەلا.. بەهۆی تەقینەوەیەکەوە 11 کەس کوژران
ناس کورد –   لە بازگەیەكی نێوان بابل - كەربەلا بۆمبێك بە پاسێكی نەفەرهەڵگردا تەقییەوە و بەهۆیەوە 11 کەس کوژران و دوو کەسى دیکەش برینداربوون. . مازن غەزالی بەرپرسی ڕاگەیاندنی فەرماندەیی ژوری ئۆپەراسیۆنەکانی ناوەڕاستی فوڕات بە ناس کوردی ڕاگەیاندووە "ئێوارەی ئەمڕۆ هەینی 20ی ئەیلولی 2019، تەقینەوەیەک لەناو پاسێکی کیای نەفەر هەڵگردا لەڕێگای نێوان بابل و کەربەلا ڕویداوە". . هاوکات، وەزارەتی تەندروستی عێراق رایگەیاندووە، بەهۆی ئەو تەقینەوەیەوە 11 کەس گیانیان لەدەستداوە و دوو کەسیش برینداربوون. . مازن غەزالی ئاماژەی بەوەدا "تەقینەوەکە لە نزیک بازگەی ژمارە 54ی چونە ناو شاری کەربەلا ڕویداوە و هێشتا ڕون نەبوەتەوە کە ئەو تەقینەوەیەی ڕویداوە بەهۆی چییەوە بووە، چونکە ئەگەری هەیە بەهۆی بوونى مینەوە بوبێت لەناو پاسەکە یاخود ئاگرگرتنی خەزانی بەنزینی پاسەکەوە بوبێت". . وتیشى "لێکۆڵینەوە لە ڕوداوەکە بەردەوامە و تیمەکانى بەڵگە و تاوان چوونەتە شوێنی ڕوداوەکە و لێکۆڵینەوە دەربارەی هۆکارەکەى بەردوامە".