کەناڵی ناس کورد لە تێلیگرام جۆین بکە
ناس کورد- دۆناڵد ترەمپ رایگەیاند، سزای دارایی نوێیان بەسەر ئێراندا سەپاندووە، دواى تێوەگلانى ئەو وڵاتە لە هێرشى سەر دامەزراوە نەوتییەکانى سعودیە. . دۆناڵد ترەمپ، سەرۆکى ئەمریکا ئەمڕۆ 20ى ئەیلولى 2019 لە لێدوانێکیدا بۆ رۆژنامەنوسان لە کۆشکى سپى ئاماژەى بەوەدا، سزایان بەسەر بانکى نیشتیمانى ئێراندا سەپاندووە، بەبێ ئەوەى وردەکاریی سزاکە ئاشکرابکات. . لاى خۆیەوە ستیڤن منوچین وەزیرى خەزێنەى ئەمریکا ئاماژەى بەوەدا، ئەو بانکە دوا سەرچاوەى کۆکردنەوەى داهاتە بۆ ئێرانە. . وتيشى "سەپاندنى ئەو سزایە دەریدەخات کە ئەمریکا سیاسەتى توندترین فشار بەسەر ئێراندا پەیڕەو دەکات". . سەپاندنى ئەو سزایە دواى نزیکەى هەفتەیەک دێت لە هێرشى سەر دامەزراوە نەوتییەکانى سعودیە، کە بەرپرسانى ئەمریکا، ئێرانیان بە بەرپرسیارى هێرشەکە تۆمەتبار کرد و بەرپرسانى ئێرانیش تۆمەتەکەیان رەتکردەوە.
