گه‌ڕان

Shadow Shadow
سیاسه‌تی

هەسەدە داواى گفتوگۆ لە سوریا دەکات

2019.09.16 - 09:11
App store icon Play store icon Play store icon
هەسەدە داواى گفتوگۆ لە سوریا دەکات

کەناڵی ناس کورد لە تێلیگرام جۆین بکە   

ناس کورد- هێزەکانى سوریاى دیموکرات (هەسەدە) وەڵامى ئەو تۆمەتانەى دایەوە کە سوریا ئاڕاستەى کردووە و داوا لە دیمەشق دەکات لەجیاتى پەنابردن بۆ تۆمارکردنى سکاڵا لە نەتەوە یەکگرتووەکان پێکەوە گفتوگۆ بکەن. . دوێنێ یه‌كشه‌ممه،‌ 15ی ئەیلولی 2019 وەزارەتى دەرەوەى سوریا لەبەیاننامەیەکدا هەسەدەى تۆمەتبارکردبوو بەوەى "تاوان" بەرانبەر گەلانى سوریا دەکەن و جەختى لە یەکێتى خاکى سوریا کردبووەوە. . لەبەرانبەردا فەرماندەیی هەسەدە لەبەیاننامەیەکدا وەڵامى سوریاى دایەوە و رایگەیاندووە "جارێکى تر سوریا هەوڵى چەواشەکردنى راى گشتى جیهان و نەتەوە یەکگرتووەکان دەدات، لەرێگەى چەند تۆمەتێکى بێ بنەماوە کە ئاڕاستەى هەسەدەى کردووە". . داواشى لە سوریا کردووە لەجیاتى تۆمارکردنى سکاڵا لەنەتەوە یەکگرتووەکان، کۆتایی بە "کارە دوژمنکارییەکانى" بهێنێت بەرانبەر هەسەدە و دانیشتوانى باکور و رۆژهەڵاتى سوریا و گفتوگۆ لەگەڵ نوێنەرانى کورد و عەرەب و پێکهاتەکان بکات بۆ دۆزینەوەى چارەسەرى راستەقینە بۆ کێشەکانى سوریا. . هەسەدە جەختیکردووەتەوە، ئاشتى و سەقامگیریی گەلانى سوریا، لەسەر بنەماى دانپێدانانى دەستورییە بە ئیدارەى خۆبەرێوەبەرى و هەسەدە لەلایەن سوریاوە.