ناس کورد-
پێشنیوەڕۆى ئه‌مڕۆ پێنجشه‌ممه، به‌روارى 12ى ئابى 2019 ، ئاگرێك له‌شاخى گۆیژه‌ى به‌رزبوەتەوە، ئاگره‌كه چه‌ند ڕووبه‌ڕێكى ناوچه‌كه‌ى ته‌نیوه، بەرگرى شارستانى سلێمانیش لە هەوڵى کوژاندنەوەیدان.
,
ڕێكان جه‌مال، وته‌بێژى به‌رگرى شارستانى سلێمانى به‌ناس كوردى ڕاگه‌یاند، ئاگره‌كه كه له‌شاخى گۆیژه به‌رزبووه‌ته‌وه به‌هۆى گڕگرتنى پوش و په‌ڵاشه‌وه بووه و تا ئێستاش هۆكاره‌كه‌ى نازانین چییە.
,
وته‌بیِژه‌كه‌ى به‌رگرى شارستانى سلێمانى وتیشى: "به‌په‌له تیمه‌كانى سه‌ر به‌ده‌زگاكه‌مان چوونه‌ته سه‌ر ڕوداوه‌كه و ده‌ستیانكردووه بە كوژاندنه‌وه‌ى ئاگرەکە و هه‌وڵى چڕوپڕیش بۆ كۆنترۆڵكردنى ده‌ده‌ین".
,
له‌باره‌ى بوونى زیانەکانى ئاگره‌كه، ڕێكان جه‌مال ئاماژه‌ى بۆ ئه‌وه كرد تا ئێستا لایان ڕون نییه زیانەکان چین، به‌ڵام ڕووبه‌ڕێك زه‌وى له‌شاخه‌كه كه زیاتر وشكاییه سوتاوه.
,
,
