گه‌ڕان

Shadow Shadow
سیاسه‌تی

عێراق.. حەشدی شەعبی دروستکردنی هێزی ئاسمانیی ڕەتکردەوە

2019.09.08 - 12:44
App store icon Play store icon Play store icon
عێراق.. حەشدی شەعبی دروستکردنی هێزی ئاسمانیی ڕەتکردەوە

کەناڵی ناس کورد لە تێلیگرام جۆین بکە   

ناس کورد سەركردەیەكی حەشدی شەعبی دەڵێت "بەهیچ جۆرێک بڕیاری دروستکردنی هێزی ئاسمانییان دەرنەکردوە". . ئەمڕۆ یەکشەممە 8ی ئەیلولی 2019، محەمەد بەسری ئەندامی دەستەی حەشدی شەعبی بە ئاژانسی ئانادۆڵی ڕایگەیاند هیچ بڕیارێکیان نیە بۆ دامەزراندنی هێزی ئاسمانی و ئەو نوسراوەی لەوبارەوە بڵاوکراوەتەوە ساختەیە. . ئەو بەرپرسەی حەشدی شەعبی وتوویەتی: "ئەو بەڵگەنامەیەی كە تایبەت بە پێكهێنانی بەڕێوەبەرایەتی هێزی ئاسمانی بۆ حەشدی شەعبی لە میدیاكاندا بڵاوكراوەتەوە و واژۆی جێگری سەرۆكی دەستەی حەشدی شەعبی لەسەرە، ساختەیە و هیچ بنەمایەكی ڕاستی تێدا نییە". . محەمەد بەسری ئاماژەی بەوەكردوە، "تا ئێستا فەرماندەیی حەشدی شەعبی هیچ ڕێنماییەكی بۆ پێكهێنانی بەڕێوەبەرایەتی هێزی ئاسمانیی دەرنەكردووە". . ئەمە لەکاتێکدایە، پێشتر ژمارەیەك لە میدیاكان بەڵگەنامەیەكیان بڵاوكردەوە کە واژووی مەهدی موهەندیس جێگری دەستەی حەشدی شەعبی لەسەربوو و تێیدا هاتبوو "لەلایەن بەرپرسانی حەشدەوە هێزی ئاسمانیی تایبەت بە حەشدی شەعبی پێكدەهێندرێت". .