گه‌ڕان

Shadow Shadow
سیاسه‌تی

فەڕەنسا؛ کەڵەشێرێک دادگایی کرا و بە هەزار دۆلار سزا درا

2019.09.05 - 17:33
App store icon Play store icon Play store icon
فەڕەنسا؛ کەڵەشێرێک دادگایی کرا و بە هەزار دۆلار سزا درا

کەناڵی ناس کورد لە تێلیگرام جۆین بکە   

  ناس کورد-   لە فەڕەنسا بەهۆی ئەوەی  کەڵەشێرێک لە بەیانیانێکی زۆر زوودا "خوێندوویەتی" سکاڵای لەسەر تۆمارکرا و بەوهۆیەوە برایە بەردەم دادگا. . ئاژانسی هەواڵی فرانس پرێس بڵاوى کردەوە، ئەمڕۆ (پێنجشەممە، 5ى ئەیلوولى 2019)  لە وڵاتی فەڕەنسا، کەڵەشێرێک بە ناوی "مۆریس" براوەتە بەردەم دادگای تاوانەکانی "رۆشفۆر" بۆ دادگایکردن و بە بڕی هەزار یۆرۆ سزادراوە و بەو پێیەش پێویستە خاوەنەکەی پارەکە بدات. . بەگوێرەی هەواڵەکە، ڕووداوەکە لەوەوە سەرچاوەی گرتووە، لە دوورگەی ئۆلیرۆن لە وڵاتی فەڕەنسا بەهۆی ئەوەی کەڵەشێرەکە چەند جارێک لە بەیانیانێکی زۆر زوودا "خوێندویەتی" بۆیە دراوسێکانی بێزار بوون و سکاڵایان لەسەر تۆمارکردووە. . پارێزەری کەڵەشێرەکە بەناوی جولیان بابینۆ وتوویەتى، گوناهى "مۆریس"ی کەڵەشێر ئەوەیە کە خەڵکی بێزار کردووە و ئەوەش بەگوێرەی یاساکانی فەڕەنسا تاوانە. . هاوکات خاوەنی کەڵەشێرەکە، نیگەرانی خۆی لە سزاکە دەربڕیوە و ڕایگەیاندووە: "ئەوان هەوڵیاندا کێشە بۆ من و کەڵەشێرەکەم دروست بکەن، بەڵام من ئەوم خۆشدەوێت و هەرگیز دەستبەرداری نابم". . بڵاوبوونەوەی هەواڵەکە توڕەیی و ناڕەزایەتى زۆری لە ناو ئاژەڵ دۆستاندا لێکەوتەوە و دژی بڕیارەکە زیاتر لە 140 هەزار واژوو کۆکرایەوە. .