گه‌ڕان

Shadow Shadow
سیاسه‌تی

ئیسرائیل: بارەگایەکی سوپای پاسدارانمان لە دیمەشق بۆردوومانکرد

2019.08.25 - 09:34
App store icon Play store icon Play store icon
ئیسرائیل: بارەگایەکی سوپای پاسدارانمان لە دیمەشق بۆردوومانکرد

کەناڵی ناس کورد لە تێلیگرام جۆین بکە   

ناس کورد سوپای ئیسرائیل ڕایگەیاند، بۆردوومانی بارەگایەکی سوپای پاسدارانی لە دیمەشقی پایتەختی سووریا کردووە، کە بەنیاز بوون هێرش بکەنە سەر ئیسرائیل. . ئەمڕۆ یەکشەممە 25ی ئابی 2019، میدیای فەرمی سووریا هێرشەکەی سوپای ئیسرائیلی پشتڕاستکردەوە و ڕایگەیاند: هێزی بەرگریی ئاسمانی رووبەڕووی هێرشی فڕۆکە جەنگییەکانی ئیسرائیل بووەتەوە. . لەبارەی هێرشەکەوە سوپای ئیسرائیل ڕایگەیاندووە، لە ناوچەی عەقرەبای دیمەشق بنکەیەکی سوپای پاسدارانی ئێران بۆردوومانکراوە کە بەنیازبوون هێرش دژی ئیسرائیل ئەنجام بدەن. . هاوکات بنیامین ناتانیاهۆ، سەرۆکوەزیرانی ئیسرائیل بۆردوومانەکەی سەر دیمەشقی لە تویتێکدا پشتڕاستکردەوەتەوە و رایگەیاندووە لە ئۆپەراسیۆنێکی گەورەدا، فەیلەقی قودسیان لە دیمەشق بۆردوومان کردووە. . ئەمە لە کاتێکدایە لە ماوەی دوو مانگی ڕابردوو سوپای ئیسرائیل چەند جارێک لە سوریا و عێراق چەند ناوچەیەکی بە ناوی بنکەی سەربازی ئێران بۆردوومانکردووە.