گه‌ڕان

Shadow Shadow
سیاسه‌تی

ئەنجومەنی وەزیرانی هەرێم بەبێ قوباد تاڵەبانی سێ تەوەر گفتوگۆ دەکات

2022.12.07 - 10:30
App store icon Play store icon Play store icon
ئەنجومەنی وەزیرانی هەرێم بەبێ قوباد تاڵەبانی سێ تەوەر گفتوگۆ دەکات

ناس کورد-

ئه‌مڕۆ ئه‌نجومه‌نی وه‌زیرانی هەرێمی کوردستان بە سەرپەرشتیی مەسرور بارزانی، سەرۆکی ئەنجومەنی وەزیران و بەبێ ئامادەبوونی قوباد تاڵەبانی کۆدەبێتەوە و چەندین بڕگه و بابەت تاوتوێ دەکات.

کەناڵی ناس کورد لە تێلیگرام جۆین بکە   

 

بەپێی ڕاگەیەنراوی فەرمانگەی میدیا و زانیاری سەر بە حکومەتی هەرێمی کوردستان، "بڕگەی یەکەمی کۆبوونەوەکە تایبەت دەبێت به‌ خستنه‌ڕووی ده‌رئه‌نجامی سه‌ردان و كۆبوونه‌وه‌كانی شاندی دانوستانی حكومه‌تی هه‌رێمی كوردستان له‌گه‌ڵ حكومه‌تی فیدراڵ."


بڕگه‌ی دووه‌می كۆبوونه‌وه‌كە "تایبه‌ت ده‌بێت به‌ خستنه‌ڕووی بابه‌تی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمی كوردستان."


هەر بەپێی ڕاگەیەنراوەکە، لە بڕگه‌ی سێیه‌مدا سه‌رنج و تێبینییه‌كانی وه‌زاره‌تی كشتوكاڵ و سه‌رچاوه‌كانی ئاو له‌سه‌ر ڕه‌شنووسی یاسای وه‌زاره‌تی سه‌رچاوه‌كانی ئاوی حکومەتی فیدراڵ دەخرێتەڕوو كه‌ بە پێچه‌وانه‌ی ده‌ستووری عێراق ئاماده‌ كراوه‌.