گه‌ڕان

Shadow Shadow
سیاسه‌تی

هێزی کۆماندۆ لە پەروێزخان دەستبەسەر 20 ئۆتۆمبێلدا دەگرێت

2022.11.29 - 17:39
App store icon Play store icon Play store icon
هێزی کۆماندۆ لە پەروێزخان دەستبەسەر 20 ئۆتۆمبێلدا دەگرێت

ناس کورد-

 

لە مەرزی پەروێزخان ٢٠ ئۆتۆمبیلی تایبەت لە لایەن هێزی کۆماندۆوە دەستیبەسەردا گیرا، بەڕێوبەری مەرزەکەش دەڵێت بەهەڵەتێگەیشتن بووە.

کەناڵی ناس کورد لە تێلیگرام جۆین بکە   

 

عەباس ئیسماعیل، سەرپەرشتیاری دەروازەی نێودەوڵەتی پەروێزخان، بە رادیۆی دەنگی وت: ساڵی پار لە ٢و٣ـی مانگی ١١ دا ٨٣ ئۆتۆمبیلی مۆدێل ٢٠١٩ لە دەروازەکەمانەوە داخلکران، بەڵام چونکە بە بڕیاری حکومەت لە رێکەوتی ١ـی ١١ـەوە چیتر رێگە بە هاتنی ئۆتۆمبیلی مۆدێل کەمتر لە ٢٠٢٠ نادرێت، لەلامان گلدرانەوە.

 

وتیشی: ئۆتۆمبیلەکان بەبڕیاری وەزارەتی دارایی و وەزارەتی ناوخۆ سەروی ۷۰۰ ملیۆن غەرامە و گومرگ کراون، مەوعیدیان هەیە تاوەکو ۱ـی ١٢ـی ئەمساڵ غەرامە و گومرکەکە بدەن، ئەگەرنا ئەوا دەستی بەسەردا دەگیرێت "مصادرة".

 

عەباس ئیسماعیل رونیکردەوە: دوێنێ نزیک ۲۰ ئۆتۆمبیل لەو ٨۳ ئۆتۆمبیلە کە مەنەفێسەکەی هی چوار پێنج بازرگانە، غەرامە و گومرکەکەیان داوە و ئۆتۆمبیلەکانیان بردوە، لە دەرەوە جۆرێک هەڵەتێگەیشتن رویداوە و زانیاری بە هێزەکەی کۆماندۆ دراوە و بەهەرجۆرێک بوە دەستیان بەسەر ئۆتۆمبیلەکاندا گرتوە و خاوەنەکانیشیان دەستبەسەر کردوە.

 

دەشڵێت "ئێستا هێزی کۆماندۆ خاوەن ئۆتۆمبێلەکانیان بەرداوە و لەگەڵ ئێمەدا خەریکی وردبینی پەڕاوەکانن و هیچ کێشەیەکی نیەو ئۆتۆمبێلەکانیش بەردەدەن".