گه‌ڕان

Shadow Shadow
سیاسه‌تی

کەشوهەوا

باران بەردەوام دەبێت و تەرزەشی دێتەسەر

2022.11.26 - 10:08
App store icon Play store icon Play store icon
باران بەردەوام دەبێت و تەرزەشی دێتەسەر

ناس کورد-

بەپێی پێشبینییە کەشناسییەکان، ئەو شەپۆلە بارانبارینەی لە کاتەکانی سەرەتای دوێنێوە دەستیپێکردووە، تاوەکو درەنگانی ئەمشەو بەردەوام دەبێت.

کەناڵی ناس کورد لە تێلیگرام جۆین بکە   

 

 

ئاراس جەبار، کەشناسی دیاری هەرێمی کوردستان لە ڕوونکردنەوەیەکدا (٢٦ی تشرینی دووەمی ٢٠٢٢) دەڵێت، "لە ئەنجامی بەردەوامی ئەو نزمەپاڵەپەستۆیەی لەدەریای ناوەراستەوە کاریگەری لەسەر کەشوھەوای ناوچەکە ھەیە بارانبارین بە رێژەی جیاواز لەناوچە جیاجیاکانی سنوری پارێزگای ھەولێر و دھۆک و ئیدارەی راپەرین بەردەوامی ھەیە کە لەھەندێ ناوچە ھەورە بروسکە چالاکە و تەرزەش ئەبارێت، لە ناوچەکانی پارێزگای کەرکوک و سلێمانی و ھەڵەبجە و ئیدارەی گەرمیان کەش لەکاتەکانی بەرەبەیانەوە ئاسایی بووەتەوە پێشبینی ئەکەین کاتەکانی دوای نیوەرۆ بەدواوە بارانبارین لەناوچەکانی سنوری پارێزگای کەرکوک و سلێمانی و ھەڵەبجە و باکوری گەرمیان دەستپێبکاتەوە بەرێژەی مامناوەند و پچر پچر لەھەندێ ناوچەشدا ھەورە بروسکە چالاک ئەبێت و رێژەی بارانەکە زیاتر ئەبێت."

 

دەشڵێت، "کاریگەریی ئەم شەپۆلە وەک لە راپۆرتی شەوی ڕابردوودا ڕامانگەیاند تا کاتەکانی درەنگی ئەمشەو بەردەوامی دەبێت و بەرەبەیانی سبەینێ یەکشەممە کۆتایی پێدێت و ئەگەری دروستبوونی تەم و مژی چر لەزۆربەی ناوچەکان ئەبێت تایبەت کاتەکانی شەو بۆ پێش نیوەرۆی سبەینێ."