گه‌ڕان

Shadow Shadow
سیاسه‌تی

زانیارى زیاتر

دەوامی خوێندن لەزانكۆیەک دەستپێدەكاتەوە

2022.11.21 - 15:13
App store icon Play store icon Play store icon
دەوامی خوێندن لەزانكۆیەک دەستپێدەكاتەوە

ناس کورد-

 

زانکۆى ڕاپەڕین وادەى دەستپێکردنەوەى خوێندنى راگەیاند، دواى چەند رۆژێک لە راگرتنى بەهۆى خۆپیشاندانى خوێندکارانەوە.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى زانکۆکە کە دەست "ناس کورد" کەوتووە، ئەنجومەنی زانكۆی راپەڕین لەپێناو دوانەکەوتنی کۆرسی پایزەی خوێندن و بەردەوامبونی پڕۆسەی خوێندن لەزانکۆی ڕاپەڕین ڕۆژی سێشەمە (22 – 11 - 2022) دەوامی خوێندنی بەیانیان و ئێواران ئاسایی دەكاتەوە.

 

دەقى راگەیەنراوەکە:

 

دوای چەند رۆژێك لەراگرتنی دەوامی خوێندن لەزانكۆی راپەڕین، بەهۆی پەرۆشیمان بۆ پاراستنی گیان و سەلامەتی خوێندكارانی ئازیزمان، ئەنجومەنی زانكۆی راپەڕین لەسۆنگەی خەمخۆری بۆ خوێندکاران و لەپێناو دوانەکەوتنی کۆرسی پایزەی خوێندن و بەردەوامبونی پڕۆسەی خوێندن لەزانکۆی ڕاپەڕین ڕۆژی سێشەمە (22 – 11 - 2022) دەوامی خوێندنی بەیانیان و ئێواران ئاسایی دەكاتەوە.

 

لێرەوە داوا لەخوێندكارانی ئازیز دەكەین كە پابەندبن بە دەوامکردن بەمجۆرەی خوارەوە:

 

  1. لەبەیانی سێشەمەوە (22 – 11 - 2022) دەوامی خوێندن لەزانکۆمان دەستپێدەکاتەوە.
  2.   تاقیکردنەوەكانی میدتێرمیش لەرۆژی شەممە (26 – 11 - 2022) دەستپێدەكەنەوەو داوا لەسەجەم خوێندکاران دەكەین پابەندبن بەتاقیکرنەوەکانی میدتێرم و دەوامی ئاساییەوە.
  3. قۆناغی یەکەمی زانکۆ لەسەرجەم بەش و كۆلێژەكان لەبەر درەنگ وەرگرتنیان لەكۆرسی پایزە هەردواکەوتنێکی تر لەخوێندن دەبێتە هۆی دواخستنی کۆرسی پایزە بەمەش کۆرسێک درەنگتر خوێندن تەواو دەکەن.
  4. لەگەڵ سەبرگرتنی خوێندکارانی ئازیز، زانكۆمان وەك پێشتر بەردەوامدەبێت لەپشتیوانیكردنی داواکانیان بەفەرمی و جەختدەكەینەوە لەدابینكردنی دەرماڵەو داواكانیان لەرێگەی حكومەتی هەرێمی كوردستانەوە، چونكە پشتیوانیكردنی خوێندكاران بەئەركی لەپێشینەی زانكۆمان دەزانین.
  5. داشکاندنی خوێندنی پاڕالیل لەوەزارەتی خوێندنی باڵاوە پەسەندەی پێدەدرێت و لەهەوڵداین بۆ وەرگرتنی ڕەزامەندی لەسەر کرێی خوێندن.
  6. هەر رۆژێكی لەدەستچو لەخوێندن بەپێی ساڵنامەی خوێندن لەزانكۆی راپەڕین، قەرەبودەكرێتەوە.

 

ئەنجومەنی زانكۆی راپەڕین