گه‌ڕان

Shadow Shadow
سیاسه‌تی

بەپەلە

ئەمەریکا: دەبێت هێرشەکانی سەر هەرێمی کوردستان بوەستێنرێن

2022.11.21 - 14:46
App store icon Play store icon Play store icon
ئەمەریکا: دەبێت هێرشەکانی سەر هەرێمی کوردستان بوەستێنرێن

ناس کورد- 

کونسوڵخانەی ئەمەریکا لە هەولێر ڕایگەیاند، هێرشی موشەک و درۆنی ئێرانی ژیانی هاووڵاتیانی مەدەنیی بێتاوان دەخەنە مەترسیەوە و دەبێت بوەستێنرێن.

کەناڵی ناس کورد لە تێلیگرام جۆین بکە   

 

لە راگەیەندراوێکداڤکونسوڵخانەی ئەمەریکا لە هەرێمی کوردستان (دووشەممە 21-11-2022) ڕایگەیاند، "شەوی رابردوو پێشێلکارییەکی دیکە لەلایەن ئێرانەوە کرایەسەر سەروەریی عێراق." 

 

ئاماژەی بەوەشکردووە، " هێرشی مووشەک و درۆنی ئێرانی ژیانی هاووڵاتیانی مەدەنیی بێتاوان دەخەنە مەترسیەوە و دەبنە هۆی وێرانکردنی ژێرخانی عێراق، دەبێت ئەم هێرشە بێباکانەی سەر هەرێمی کوردستان بوەستن".

 

درەنگانی شەوی رابردوو و بەرەبەیانی ئەمڕۆ دووشەممە، بە درۆن و مووشەک هێرشکرایە سەر بارەگاکانی حیزبی دیموکراتی کوردستانی ئێران لە کۆیە و هەولێر و حیزبی کۆمەڵەی شۆڕشگێڕ لە زڕگوێزی سلێمانی و بەهۆیەوە پێشمەرگەیەکی دیموکرات گیانی لەدەستدا.