گه‌ڕان

Shadow Shadow
سیاسه‌تی

بەپەلە

سلێمانی؛ هێزێکی زۆری ئەمنی بڵاوەیپێکراوە و چەند خوێندکارێک دەستگیرکران

2022.11.21 - 11:06
App store icon Play store icon Play store icon
سلێمانی؛ هێزێکی زۆری ئەمنی بڵاوەیپێکراوە و چەند خوێندکارێک دەستگیرکران

 

ناس کورد-

 

بەیانیی ئەمڕۆ هێزێکی ئەمنی لەبەردەم زانکۆی سلێمانی ژمارەیەک خوێندکاریان دەستگیرکرد کە بەشێکیان نوێنەری خوێندکارانن و ویستویانە خۆپیشاندان ڕێکبخەن.

 

کەناڵی ناس کورد لە تێلیگرام جۆین بکە   

 

پەیامنێری "ناس کورد" ڕایگەیاند، بەیانیی ئەمڕۆ دووشەممە 21-11-2022، هێزێکی زۆری ئەمنی لەبەردەم زانکۆی سلێمانی جیگیرکراون بۆ ڕێگریکردن لە خۆپیشاندانی خوێندکاران. 

 

وتیشی، "ژمارەیەک لە نوێنەری خوێندکاران و خوێندکاری دیکە کە ویستویانە خۆپیشاندان ڕێکبخەن، لەلایەن هێزە ئەمنییەکانەوە دەستگیرکراون کە نزیکەی 10 خوێندکارا دەبن." 

 

ماوەی چەند هەفتەیەکە خوێندکارانی زانکۆ و پەیمانگەکان لە سلێمانی و چەند ناوچەیەکی دیکە گردبوونەوەی ناڕەزایی ڕێکدەخەن و داوای خەرجکردنی دەرماڵە و کەمکردنەوەی کرێی خوێندنی پارالێل و ئێواران دەکەن و شەقامی سەرەکی ڕاپەرین دادەخەن.