گه‌ڕان

Shadow Shadow
سیاسه‌تی

تورکیا بە 70 فڕۆکە هێرشی کردە سەر هەرێمی کوردستان و ڕۆژئاوای کوردستان

2022.11.20 - 08:00
App store icon Play store icon Play store icon
تورکیا بە 70 فڕۆکە هێرشی کردە سەر هەرێمی کوردستان و ڕۆژئاوای کوردستان

ناس کورد-

درەنگانێکی شەوی ڕابردوو هێزی ئاسمانیی تورکیا ئۆپراسیۆنێکی چڕی لە چەندین ناوچەی هەرێمی کوردستان و ڕۆژئاوای کوردستان ئەنجامدا بۆسەر بنکە و بارەگاکانی پەکەکە و یەپەگە و هەسەدە.

کەناڵی ناس کورد لە تێلیگرام جۆین بکە   

 

وەزارەتی بەرگریی تورکیا ئۆپەراسیۆنەکەی بە "چنگی شمشێر" ناوبردووە و دەڵێت، "ئۆپراسیۆنەکە پشتی بە ماددەی 51 لە پەیماننامەی نەتەوە یەکگرتووەکان بەستووە کە ماف دەدات بە تورکیا بەرگری لە خۆی بکات."

 

بۆردومانەکە زۆر چڕ بووە و لە چەندین ناوچە سنورییەکانی هەرێمی کوردستان و شارەکانی ڕۆژئاوا ئەنجامدراوە.

 

میدیاکانی تورکیا لە زاری سەرچاوەیەک لە وەزارەتی بەرگریی ئاشکرایان کرد، لە ئۆپراسیۆنەکەدا 50 فڕۆکەی جەنگی و 20 فڕۆکەی بێفڕۆکەوانی جەنگی بەکارهێنراون.

 

مەزڵووم عەبدی، فەرماندەی گشتیی هەسەدەش دەڵێت، "جەنگ لە بەرژەوەندیی هیچ لایەنێکدا نابێت". 


مەزڵووم عەبدی گوتیشی، "بۆردوومانی تورکیا بۆسەر ناوچە ئارامەکان هەڕەشەیە لەسەر تەواوی ناوچەکە و شەڕ کاریگەری لەسەر هەمووان دەبێت."

بەگوێرەی زانیارییەکان، لە بەشێک لە ناوچەکانی ھەرێمی کوردستان دەنگی فڕۆکەی جەنگی بیستراوە کە بەسەر ئاسماندا سوڕاونەتەوە.   
 
چەند ناوچەیەک کە دەنگی فڕۆکەی جەنگی لێبیستراوە وەک: قەڵادزێ، رانیە، سۆران، رواندوز و پێنجوێن.