گه‌ڕان

Shadow Shadow
سیاسه‌تی

وێنە و زانیاری

عومرەكارێكی كورد بەهۆی جەڵتەوە لە سعودیە گیانی لەدەست دا

2022.11.19 - 09:40
App store icon Play store icon Play store icon
عومرەكارێكی كورد بەهۆی جەڵتەوە لە سعودیە گیانی لەدەست دا

ناس كورد-
ئافرەتێکی عومرەکاری کورد بەناوی (سینام ئیسماعیل فه‌تاح)  لە سعوودیە کۆچی دوایی کرد.

کەناڵی ناس کورد لە تێلیگرام جۆین بکە   

 

ئه‌مڕۆ شه‌ممه‌، 19ی تشرینی دووه‌می 2022، بەڕێوەبەرایەتی گشتی حەج و عومرەى  هه‌رێمی کوردستان له‌ راگه‌یه‌ندراوێكدا گوتی: ئەمڕۆ ئافرەتێکی عومرەکاری کورد بەناوی (سینام ئیسماعیل فه‌تاح) تەمەن 68 ساڵ و خەڵکی شارۆچکەی پیرمام له‌ سعوودیه‌ كۆچی دواییكرد. راشیگه‌یاندووه‌، ئه‌و ئافره‌ته‌ ماوەی چەند رۆژێک بوو بە مەبەستی ئەنجامدانی سوونەتی عومرە سەردانی عەرەبستانی سعوودیەی کردبوو.

 

له‌ راگه‌یه‌ندراوه‌كه‌دا هاتووه‌: دوێنێ ئەو عومرەکارە بە هۆی تووشبوونی بە جەڵتەی دڵ رەوانەی نەخۆشخانەی مەلیک فەیسەڵ کراوە لە شاری مەککەی پیرۆز و هەموو رێککارە تەندروستییەکانی بۆ ئەنجامدراوە، به‌ڵام بەداخەوە ئەمڕۆ کۆچی دوایی کرد.

 

ئاماژه‌ به‌وه‌شدراوه‌، دوای وەرگرتنی رەزامەندی کەسوکارییان بڕیارە لە حەرەمی پیرۆزی مەککەی نوێژی لەسەر بکرێت و پاشان لە گورستانی مەککە بە خاک بسپێردرێت.

 

له‌ كۆتایی راگه‌یه‌ندراوه‌كه‌دا هاتووه‌: ئێمە لە بەڕێوەبەرایەتی گشتی حەج و عومرەی هه‌رێمی كوردستان بەناوی بەڕێوەبەری گشتی حەج و عومرەی هەرێمی کوردستان و سەرجەم بەڕێوەبەر و فەرمانبەرانەوە سەرەخۆشی خۆمان ئاڕاستەی کەسوکاری ئەو عومڕەکارە دەکەین و  داواکارین لە خوای گەورە جێگای بە بەهەشتی بەرین شاد بکات و سەبووریش بە کەسوکارەکەی بدات.