گه‌ڕان

Shadow Shadow
سیاسه‌تی

چوار منداڵ لەژێرداروپەردودان

هۆکارێک بۆ تەقینەوەکەى سلێمانى دیاریکرا

2022.11.18 - 11:04
App store icon Play store icon Play store icon
هۆکارێک بۆ تەقینەوەکەى سلێمانى دیاریکرا

ناس کورد-

 

سەرچاوەیەکى ئاگادار لە لێکۆڵینەوەکان لە تەقینەوەکەى سلێمانى رایگەیاند، ئەگەر هەیە هۆکارى تەقینەوەکە دەستکاریکردنى سیستەمى شۆڤاژى ماڵەکە بووبێت، بەو پێیەى تانکى غازى ماڵەکە نەتەقیوەتەوە.

کەناڵی ناس کورد لە تێلیگرام جۆین بکە   

 

سەرچاوەکە (18-11-2022) بە "ناس کورد" ى راگەیاند، بەو پێیەى تانکى غازەکە سەلامەتە، تیمەکان لەو بڕوایەدان هۆکارى تەقینەوەکە دەستکاریکردنی سستم و پاکێجی شۆڤاژەکە بووبێت لە نهۆمى ئەرزی ماڵەکە، کە وەستایەک کاری تێدا کردووە و ئەویشی گیانی لەدەستداوە.

 

لە تەقینەوەکەى (18-11-2022) سلێمانى کە بەهۆیەوە خانویەکى سێ نهۆمى داڕوخا، تائێستا 11 کەس گیانیان لەدەستداوە و 12 ى دیکەش برینداربوون و پرۆسەى گەڕان بەدواى چەند کەسێکى تردا بەردەوامە کە بێسەروشوێنن.  

 

تا ئێستا لایەنە پەیوەندیدارەکان بەفەرمى هۆکارى تەقینەوەکەیان ئاشکرانەکردووە.

 

شێخ سەردار سدیق کەسى نزیکى ئەو کەسانەى لە تەقینەوەکەى سلێمانى بوونە قوربانى (18-11-2022) رایگەیاند، ئەوانەى تا ئێستا ماون و هێشتا رزگارنەکراون منداڵەکانن کە لەژێر زەمینى خانووەکەدان.

 

وتیشى بەشى زۆرى ئەو کەسانەى دەرهێنراون لە نهۆمى دووەم بوون کە ژورى دانیشتن بووە کە 11 کەسیان گیانیان لەدەستداوە.