گه‌ڕان

Shadow Shadow
سیاسه‌تی

بەپەلە

دژەتیرۆر لەسەر تەقینەوەکەی سلێمانی هاتەدەنگ و ڕوونکردنەوەی دا

2022.11.17 - 21:37
App store icon Play store icon Play store icon
دژەتیرۆر لەسەر تەقینەوەکەی سلێمانی هاتەدەنگ و ڕوونکردنەوەی دا

ناس کورد- 

دەزگای دژەتیرۆری سلێمانی ڕایگەیاند، ڕووداوەکەی ئەمشەوی شاری سلێمانی هیچ پەیوەندییەکی بە ڕووداوی تەقینەوەوە نییە و  بەهۆی تەقینی بەرمیلی غازەوە بووە.  

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا دەزگای دژەتیرۆری سلێمانی (پێنجشەممە 17-11-2022) ڕایگەیاند، "ڕووداوەکەی ئەمشەوی شاری سلێمانی بەهۆی تەقینی بەرمیلی غازەوە (LPG)بووە، هیچ پەیوەندییەکی بە ڕووداوی تەقینەوەوە نییە."

 

ئاماژەی بەوەشکردووە، "هێزە ئەمنییەکان و بەڕێوبەرایەتی گشتی تەندروستی سلێمانی لە ئامادەباشیدان بۆ کۆنتڕۆڵکردنی دۆخەکە و چارسەرکردنی بریندارەکان." 

 

هاوکات هەڤاڵ ئەبوبەکر، پارێزگاری سلێمانی لە کۆنفرانسیکی ڕۆژنامەوانیدا کە "ناس کورد" بینویەتی (پێنجشەممە 17-11-2022) لە شوێنی تەقینەوەکەی سلێمانی ڕایگەیاند، "بەگوێرەی زانیارییە سەرەتاییەکان 20 کەس لە ڕووداوەکەدا بوون، پێنج کەس دەرهێنراون، منداڵێک گیانی لەدەستداوە، ژمارەیەکی دیکەش لەژێر داروپەردووی خانووە ڕووخاوەکەدا ماون." 

 

هەروەها لەبارەی دەنگۆی ئەوەی تەقینەوەکە، بەهۆی هێرشی درۆنییەوە بوبێت، پارێزگاری سلێمانی ڕایگەیاند، "بەگوێرەی لێکۆڵینەوەکانی تیمی تەکنیکی ئاسایشی سلێمانی تەقینەوەکە بەۆهی تەقینی تانکی غازەوە بووە، نەوەک هێرشی درۆنی، ئێمە هاووڵاتیان لەوە دڵنیادەکەینەوە کە هیچ هێرشێک بوونی نەبووە." 

 

لەلایەکی دیکەوە، بەوتەی کەسێکی نزیک ئەو ماڵە، لە خانووەکەدا 20 کەس هەبوون و زیاتر لە 10 کەسیان لەژێر داروپەردووی خانووەکەدا ماون.